ప్రస్తుతం డిస్ట్రిబ్యూటర్ రంగంలో తమ హవా కొనసాగిస్తున్నారు అభిషేక్ పిక్చర్స్ వారు. స్టార్ హీరోల సినిమాలనే కాదు కృష్ణగాడి వీర ప్రేమగాథ, కళ్యాణ వైభోగమే ఇంకా సుప్రీం చిన్న సినిమాల హక్కులను సొంతం చేసుకుంటున్నారు. అయితే ఆ దారిలోనే అభిషేక్ వారు ఇప్పుడు మరో స్పెషల్ సినిమా హక్కులను సొంతం చేసుకున్నారు.
నిఖిల్ హీరోగా ‘టైగర్’ ఫేం వి.ఐ ఆనంద్ దర్శకత్వంలో వస్తున్న సినిమాను అభిషేక్ పిక్చర్స్ టోటల్ రైట్స్ దక్కించుకున్నారట. అభిరుచి గల సినిమాల్లో నటిస్తూ కుర్ర హీరోల్లో తన సత్తా చాటుతున్న నిఖిల్ ఎన్నో భారీ అంచనాలతో తీసిన ‘శంకరాభరణం’ అపజయపాలైనా చేస్తున్న సినిమా మీద పూర్తి నమ్మకంతో ఉన్నాడు. అయితే విశేషం ఏంటంటే సినిమా కేవలం సగం షూటింగ్ మాత్రమే చేసుకున్నా కథ కథనాల మీద నమ్మకంతో అభిషేక్ పిక్చర్స్ సినిమాను కొనేశారట.
మరి చూస్తుంటే నిఖిల్ కూడా నానిలా తన ఖాతాలో బంపర్ హిట్ వేసుకునేలానే ఉన్నాడు. హెభా పటేల్, అవికా గోర్ హీరోయిన్స్ గా నటిస్తున్న ఈ సినిమా హిట్ కొట్టి మళ్లీ ట్రాక్ లోకి రావాలని ఆశిస్తున్నాడు నిఖిల్.
