ఆచారి అమెరికా యాత్ర‌కి షాక్ త‌గిలింది. ఈనెల 26న రావాల్సిన సినిమా ఇది. కానీ ఆఖ‌రి నిమిషాల్లో వాయిదా ప‌డింది. ఈ సినిమాని ఫిబ్ర‌వ‌రిలో విడుద‌ల చేస్తార‌ట‌. ఈరోజు ఆచారి అమెరికా యాత్ర‌ని సెన్సార్ చేయాల్సి వుంది. కానీ.. సెన్సార్ జ‌ర‌గ‌డం లేద‌ని తెలుస్తోంది. దానికి కార‌ణం సెన్సార్ ఆఫీస‌ర్ బిజీగా ఉన్నాడా, లేదంటే…. చిత్ర‌బృంద‌మే `కాస్త ఆగి వ‌ద్దాం` అని భావిస్తుందా? అనేది మాత్రం తెలియాల్సివుంది. విష్ణు క‌థానాయ‌కుడిగా న‌టించిన చిత్ర‌మిది. ప్ర‌గ్యా క‌థానాయిక‌. బ్ర‌హ్మానందం కీల‌క పాత్ర పోషించారు. జి. నాగేశ్వ‌ర‌రెడ్డి ద‌ర్శ‌కుడు. ఆచారికి బ్రేక్‌ప‌డ‌డంతో.. `భాగ‌మ‌తి` ఈవారం సోలో రిలీజ్‌గా నిల‌వ‌బోతోంది.