చిరంజీవి – కొర‌టాల శివ కాంబినేష‌న్ లో ఓ సినిమా రూపుదిద్దుకుంటోంది. చ‌ర‌ణ్ నిర్మాత. ఈ చిత్రం కోసం `ఆచార్య` అనే టైటిల్ ముందు నుంచీ ప‌రిశీల‌న‌లో వుంది. ఇప్పుడు అదే ఖ‌రారైంది. చిరు పుట్టిన రోజు సంద‌ర్భంగా `ఆచార్య` మోష‌న్ పోస్ట‌ర్‌ని విడుద‌ల చేశారు. దేవాదాయ భూములు, న‌క్స‌లిజం నేప‌థ్యంలో సాగే క‌థ ఇది. ధ‌ర్మ‌స్థ‌లి కేంద్రంగా సాగుతుంది. మెడ‌లో ఎర్ర కండువా, చేతిలో క‌త్తి ప‌ట్టుకున్న చిరంజీవి లుక్‌ని.. మోష‌న్ పోస్ట‌ర్ గా విడుద‌ల చేశారు. 2021 వేస‌విలో ఈ చిత్రాన్ని విడుద‌ల చేస్తున్న‌ట్టు చిత్ర‌బృందం ప్ర‌క‌టించింది. నిజానికి మోష‌న్ పోస్ట‌ర్ స్థానంలో టీజ‌ర్ ని విడుద‌ల చేయాల‌నుకున్నారు. కానీ.. విడుద‌ల‌కు ఇంకా బాగా స‌మ‌యం ఉండ‌డంతో.. మోష‌న్ పోస్ట‌ర్ తో స‌రిపెట్టింది చిత్ర‌బృందం. మ‌ణిశ‌ర్మ సంగీతం అందిస్తున్న ఈ చిత్రంలో కాజ‌ల్ క‌థానాయిక.
‘ధ‌ర్మ‌స్థ‌లి’లో ‘ఆచార్య’
