అదా శర్మ.. బాలీవుడ్ నుండి టాలీవుడ్ హార్ట్ ఎటాక్ తో ప్రేక్షకులను తన మత్తులో పడేసిన సుందరి. అయితే ఆ సినిమా ఇచ్చిన హిట్ ను సరిగా వాడుకోక, కథల విషయంలో తప్పులో కాలేసి కనీసం అమ్మడు సగటు హీరోయిన్ ఇమేజ్ ను కూడా సాధించలేక పోయింది. ఇక అర కొర వస్తున్న అవకాశాల కోసం చిన్న చితకా పాత్రలను కూడా కాదనక చేసి మరుగున పడ్డది. అయితే సోలో హీరోయిన్ గా చాన్స్ వచ్చిన ‘గరం’ సినిమాలో అమ్మడు ఏం దాచుకోకుండా బయటపెట్టింది. ఆది సరసన అందాల ముద్దుగుమ్మలా నటించిన ఈ భామ అవాకాశాన్ని వాడుకోవాలని చూసింది.
సినిమాలో అందాలను గుమ్మరించినా సినిమా అంతగా ప్రేక్షకుల నుండి మంచి ఫీడ్ బ్యాక్ రాకపోయే సరికి ఇప్పుడు మళ్లీ బుంగమూతి పెట్టుకుని కూర్చుంది. సోలో హీరోయిన్ గా వచ్చిన సినిమా కాస్త యావరేజ్ గా నిలిచే సరికి అమ్మడి పరిస్థితి అగమ్య గోచరంగా మారింది. మరి అదా శర్మకు హిట్ ఇచ్చే దర్శకుడే లేదా అంటే దాన్ని కాలమే నిర్ణయిస్తుంది అనాల్సిందే. ప్రస్తుతం కృష్ణగాడి వీర ప్రేమగాథకు పోటీ రిలీజ్ అయిన ఆది ‘గరం’ నాని సినిమా ముందు నిలవలేకపోయింది.
మరి అదా పడ్డ కష్టం ఈ సినిమాకు ఉపయోగపడకపోయినా సరే సినిమా చూసిన దర్శక నిర్మాతలు అదా అందాలను గుర్తించి ఆఫర్లు ఇస్తారని చెబుతున్నారు. మరి అలాగైనా సరే మరిన్ని ఆఫర్లు అందుకుని ప్రేక్షకులను నయనానందం కలిగించాలని కోరుకుందాం.
