‘గౌత‌మిపుత్ర శాత‌క‌ర్ణి’, ‘ఎన్టీఆర్’ బ‌యోపిక్ చిత్రాల‌తో…. నంద‌మూరి బాల‌కృష్ణ‌కు బాగా ద‌గ్గ‌ర‌య్యాడు బుర్రా సాయిమాధవ్. పైగా ఎన్టీఆర్ అభిమాని. దాంతో.. ఆ అనుబంధం మ‌రింత పెరిగింది. ఇప్పుడు బాల‌య్య బుర్రాకు ఓ పెద్ద బాధ్య‌త అప్ప‌గించిన‌ట్టు తెలుస్తోంది. ఆదిత్య 369కి సీక్వెల్ చేయాల‌న్న‌ది బాల‌య్య ఆలోచ‌న. దానికి సంబంధించిన స్క్రిప్టుని కూడా సింగీతం శ్రీ‌నివాస‌రావు ఎప్పుడో సిద్ధం చేశారు. ఇప్పుడు ఆ స్క్రిప్టుని బుర్రా సాయిమాధవ్ చేతికి అప్ప‌గించిన‌ట్టు స‌మాచారం. స్క్రిప్టు మొత్తం చ‌దివి.. మార్పులు చేర్పులూ ఏమైనా ఉంటే సూచించ‌మ‌ని అడిగార్ట. ఓ యువ ద‌ర్శ‌కుడికి సైతం బాల‌య్య ఈ స్క్రిప్టుని అందించి స్ట‌డీ చేయ‌మ‌ని చెప్పిన‌ట్టు తెలుస్తోంది. వ్య‌వ‌హారం చూస్తుంటే.. ఈసినిమాపై బాల‌య్య ఫోక‌స్ రోజు రోజుకీ పెరుగుతున్న‌ట్టు అర్థ‌మ‌వుతోంది. ఈ స్క్రిప్టుని మోక్ష‌జ్ఞ కోసం రెడీ చేస్తున్న‌ట్టు టాలీవుడ్ లో గుస‌గుస‌లు వినిపిస్తున్నాయి. తన‌యుడి ఎంట్రీ గ్రాండ్‌గా ఉండాల‌న్న‌ది బాల‌య్య ఆరాటం. పైగా త‌న కెరీర్‌లో ఉత్త‌మ చిత్రాల్లో ఒక‌టిగా నిలిచిన ఆదిత్య 369కి సీక్వెల్ అంటే అంచ‌నాలు భారీగా ఉంటాయి. అందుకే ఇంత క‌స‌ర‌త్తు.
బుర్రా చేతికి ‘ఆదిత్య 999’?
