ఇప్పుడు నాగార్జున పేరు వింటే మిగతా స్టార్ హీరోలు సైతం భయపడే పరిస్థితి ఏర్పడింది.. మనం సినిమాలోనే అద్భుత నటనతో అదరగొట్టేసిన నాగార్జున ఆ తర్వాత వచ్చిన సోగ్గాడే చిన్ని నాయనా సినిమాతో మరోసారి తనలో ఉన్న మాస్ యాంగిల్ ను ప్రేక్షకులకు పరిచయం చేసి సూపర్ హిట్ కొట్టాడు. ఇప్పుడు ఊపిరి అంటూ ఈరోజు వచ్చి వారెవా అనిపించేస్తున్నాడు. అక్కినేని నాగేశ్వరరావు నటవారసత్వాన్ని తన భుజస్కంధాల మీద వేసుకున్న నాగార్జున నవరసాలను పండిస్తూ తెలుగు ప్రేక్షకులకు సరికొత్త అనుభూతిని ఇస్తున్నాడు.
లేటెస్ట్ ఊపిరి సినిమాలో నాగార్జున తన అభినయంతో అదరగొట్టేశాడు. వీల్ చైర్ లో ఉంటూనే ఎంతో అద్భుతంగా చేశాడు.. ఈ సినిమా విజయం మీద ముందునుండి నమ్మకంగా చెబుతున్న నాగార్జున అన్నట్టుగానే మరో మంచి డీసెంట్ ఎంటర్టైనర్ తన ఖాతాలో వేసుకున్నాడు. సినిమాలో నాగ్ తో పాటు పోటీగా నటించాడు కార్తి.. శీను పాత్రలో పక్కా లోకల్ అబ్బాయిలా మంచి అభినయాన్ని కనబరిచాడు కార్తి. తెలుగులో డైరెక్ట్ సినిమా చేసినా వర్క్ అవుట్ అవుద్ది అని ఈ సినిమాతో నిరూపించుకున్నాడు కార్తి.
