ప‌వ‌న్ క‌ల్యాణ్ చిన్న న‌వ్వు విసిరినా చాలు.. అభిమానుల‌కు పండ‌గే! ఇక ఫ‌స్ట్ లుక్ అంటే… ఆ లుక్కుతోనే బోల్డంత కిక్ వ‌చ్చేస్తుంది. ప‌వ‌న్ క‌ల్యాణ్ – త్రివిక్ర‌మ్‌ల సినిమా ఎప్పుడో జ‌మానా క్రితం మొద‌లైంది. ఈ సినిమాకి సంబంధించి అఫీషియ‌ల్‌గా ఒక్క లుక్ కూడా బ‌య‌ట‌కు రాలేదు. పైగా టైటిల్ విష‌యంలో టెన్ష‌న్ పెట్టారు. ఈ సినిమాకి అజ్ఞాత వాసి అనే టైటిల్ ఖ‌రారు అయ్యింద‌ని రెండు నెల‌ల క్రిత‌మే తెలిసిపోయింది. అయితే దాన్ని కూడా అఫీషియ‌ల్‌గా ప్ర‌క‌టించ‌క‌పోయే స‌రికి… టైటిల్ అదే ఉంటుందా, మారుస్తారా?? అనే అనుమానాలు వ్య‌క్తం అయ్యాయి. అయితే త్రివిక్ర‌మ్ అండ్ కో మాత్రం ఎలాంటి ట్విస్టులూ లేకుండా… అదే టైటిల్‌ని అధికారికంగా ప్ర‌క‌టించింది. దాంతో పాటు ప‌వ‌న్ లుక్ కూడా బ‌య‌ట‌కు వ‌చ్చింది. షాకింగ్ లుక్ ఏమీ కాదు గానీ.. అభిమానుల‌కు ల న‌చ్చేలానే ప‌వ‌న్ ఉన్నాడు. అత్తారింటికి దారేది త‌ర‌వాత ప‌వ‌న్ ఇంత అందంగా క‌నిపించ‌డం కూడా ఇదే. అందుకే…. ప‌వ‌న్ ఫ్యాన్స్ ఖుషీ అయిపోతున్నారు. అజ్ఞాత వాసి లోగో డిజైన్ కూడా నచ్చేదే. ప‌వ‌న్ చేతిలో ఐడెంటిటీకార్డ్ ని చూస్తే.. ఈ క‌థ‌లో అది కూడా ఓ ప్ర‌ధాన పాత్ర పోషిస్తుందేమో అనే అనుమానాలు వ్య‌క్తం అవుతున్నాయి. ఇప్పుడు టైటిల్ వ‌చ్చేసింది క‌దా… వారం రోజుల్లో టీజ‌ర్ కూడా విడిచిపెట్టేస్తారేమో చూడాలి.
అజ్ఞాత‌వాసి లుక్: సింపుల్ & సూప‌ర్‌
