తొట్ట తొలి ఓటీటీ సంస్థ ఆహా.. భారీ ప్లానింగ్ తో రాబోతోంది. వ‌రుస‌గా సినిమాలు కొంటూ, వెబ్ సిరీస్ లు రూపొందిస్తూ.. కంటెంట్ బ్యాంక్ ని పెంచుకుంటోంది ఆహా. రాబోయే రోజుల్లో ఆహా మ‌రింత వినోదాన్ని అందిస్తుంద‌ని అల్లు అర‌వింద్ ధీమాగా చెబుతున్నారు. చిరంజీవితో ఓ వెబ్ సిరీస్ ప్లాన్ చేస్తున్నామ‌ని, 42 షోలు రాబోయే రోజుల్లో ప్రేక్ష‌కుల ముందుకు రాబోతున్నాయ‌ని అల్లు అర‌వింద్ చెప్పారు.

“రెండు మూడేళ్ల‌లో పెద్ద పెద్ద స్టార్స్ అంతా ఓటీటీలోకి వ‌చ్చేస్తారు. చిరంజీవితో ఓ వెబ్ సిరీస్ కోసం సంప్ర‌దిస్తున్నాం. క‌థ న‌చ్చితే చాలు. ఆయ‌న న‌టిస్తారు. ఆహా నుంచి 42 షోలు రాబోతున్నాయి. వ‌చ్చే యేడాది జూన్ నాటికి… దాదాపు అన్నీ షోస్ మొద‌లైపోతాయి. ఎక్కువ‌గా వీకెండ్ వ‌చ్చేలా షోలు ప్లాన్ చేస్తున్నాం. కొన్ని షోస్‌ల‌లో అగ్ర‌తార‌లు క‌నిపిస్తారు” అంటూ ఆహా ప్లానింగ్ మొత్తం వివ‌రించారు. ఆహా జ‌నంలోకి బాగా వెళ్లిపోయింద‌ని, యేడాదిన్న‌ర‌లో రీచ్ అవ్వాల‌నుకున్న టార్గెట్ కేవ‌లం ఆరు నెల‌ల్లోనే అందుకున్నామ‌ని, త్వ‌ర‌లో ఆహా.. ఓ శ‌క్తిమంత‌మైన ఓటీటీ వేదిక‌గా మార‌బోతోంద‌ని అర‌వింద్ చెప్పారు.