ఆకాష్ పూరి నుంచి ఓ సినిమా వ‌చ్చి చాలాకాల‌మైంది. ‘మంచి క‌థ కోసం అన్వేషిస్తూ కాల‌యాప‌న చేశా. ఇప్పుడు అలాంటి క‌థ దొరికింది’ అని నిన్న‌నే ఓ వీడియో విడుద‌ల చేశాడు ఆకాష్. ఇప్పుడు సినిమా కూడా మొద‌లెట్టేశాడు. ఈ చిత్రానికి ‘తల్వార్’ అనే పేరు ఖ‌రారు చేశారు. కాశీ ప‌ర‌శురామ్ అనే కొత్త కుర్రాడు ఈ సినిమాతో ద‌ర్శ‌కుడిగా ప‌రిచ‌యం అవుతున్నాడు. పాన్ ఇండియా స్థాయిలో ఈ చిత్రాన్ని విడుద‌ల చేస్తున్నారు. ఈరోజు ఈ చిత్రానికి క్లాప్ కొట్టారు. ఫస్ట్ లుక్ కూడా విడుద‌లైంది. ఒత్తైన గ‌డ్డంతో ర‌ఫ్ లుక్‌లో ద‌ర్శ‌న‌మిచ్చాడు ఆకాష్. క‌థానాయిక, ఇత‌ర వివ‌రాలు త్వ‌ర‌లో ప్ర‌క‌టిస్తారు.
ఆకాష్ ముందు నుంచీ మాస్ క్యారెక్ట‌ర్లే చేస్తున్నాడు. త‌న వ‌య‌సుకి త‌గ్గ‌ట్టు ల‌వ్ స్టోరీలు చేస్తే మంచి ఫ‌లితం ఉంటుంద‌ని చాలామంది స‌ల‌హాలు ఇచ్చారు. కానీ ఆకాష్‌కు మాస్ పై మ‌మ‌కారం త‌గ్గ‌డం లేదు. మ‌ళ్లీ యాక్ష‌న్ క‌థ‌నే ఎంచుకొన్నాడు. ‘తల్వార్’ టైటిల్ చాలా ప‌వ‌ర్‌ఫుల్ గా ఉంది. దానికి తగ్గ‌ట్టుగానే ఈ క‌థ‌లో మాస్, యాక్ష‌న్ అంశాలు గ‌ట్టిగా మేళ‌వించార‌ని తెలుస్తోంది. కొల‌కొత్తా బ్యాక్ డ్రాప్ లో సాగే క‌థ ఇద‌ని, ఓ సామాజిక అంశాన్ని ఈ క‌థ‌లో ప్ర‌స్తావిస్తున్నార‌ని తెలుస్తోంది. మొత్తానికి ఆకాష్ పూరి మ‌ళ్లీ మాస్ నే న‌మ్ముకొన్నాడు. మ‌మ‌రి ఈసారి ఏం అవుతుందో?
