అక్కినేని మూడో తరం వారసుడిగా తెరంగేట్రం చేసిన అఖిల్ అక్కినేని మొదటి సినిమా అఖిల్ అనుకున్నంత విజయవంతం కాకపోయేసరికి అపవాదాలు ఎదుర్కోవాల్సి వచ్చింది. మొదటి సినిమానే అత్యంత భారీ బడ్జెట్ తో తెరకెక్కించిన అఖిల్ సినిమా డిస్ట్రిబ్యూటర్లందరు ఉత్సాహంగా కొన్నా వాటిని సొమ్ము చేసుకోవడంలో తంటాలు పడుతున్నారు. 45 కోట్ల భారీ బడ్జెట్ తో రూపొందిన అఖిల్ సినిమా విడుదలకు ముందే 48.50 కోట్ల బిజినెస్ జరిగింది.
అయితే సినిమా ఆశించినంత సక్సెస్ అయితే భారీగా రాబట్టేదేమో కాని సినిమా మొదట మిక్స్డ్ టాక్ వచ్చి తర్వాత ఫ్లాప్ గా మిగిలే సరికి సినిమాను కొన్న బయ్యర్లు నిర్మాత నితిన్ మీద ఒత్తిడి తేవడం మొదలెట్టారు. ఆ విషయంలో నాగార్జున సపోర్ట్ నితిన్ కి దొరకడం గొప్ప విషయం. ఇక ఆ దారిలోనే అఖిల్ తనకు రెమ్యునరేషన్ గా ఇచ్చిన 7 కోట్ల రూపాయలను కూడా తిరిగి ఇచ్చాడని అంటున్నాయి ఫిలిం నగర్ సర్కిల్స్.
మొదట సినిమాకే భారీ రెమ్యునరేషన్ తీసుకుని రికార్డ్ సృష్టించిన అఖిల్ మళ్లీ తిరిగి ఇచ్చేసి కాస్త నిర్మాతకు సహాయపడ్డా వారు వీరు అనుకునే అపవాదాలనుండి మాత్రం బయటపడట్లేదు. ప్రస్తుతం కుర్ర హీరో స్ట్రగుల్ అవుతున్నా ఈ కసినంతా తన రెండో సినిమాలో చూపించి అంతకంత భారీ హిట్ సొంతం చేసుకోవాలని ఆశిద్దాం.
