అక్కినేని నాగేశ్వరరావు తెలుగు సినిమా ఖ్యాతిని అంచెల అంచెలుగా పెంచుతూ తెలుగు ప్రేక్షకుల హృదయాల్లో చెరిగిపోని స్థానం సంపాధించుకున్నారు. తెలుగు సినిమా చరిత్రలో సువర్ణాక్షరాలతో రాయబడ్డ ఏయన్నార్ 80 ఏళ్ల నట ప్రస్థానంలో చేయని పాత్ర లేదంటే అతిశయోక్తి కాదు. అక్కినేని చేసిన సినిమాలు ప్రేక్షకులను ఎంతగానే ఆకట్టుకున్నాయి. తెలుగు సినిమా పరిశ్రమ చెన్నై నుండి హైదరాబాద్ రావడానికి ఏయన్నార్ పాత్ర కూడా మెచ్చుకోదగ్గది. అయితే ఆ నట వారసత్వాన్ని అందుకుని తన స్టైలిష్ యాక్షన్ తో మన్మధుడిగా ప్రేక్షకుల అభిమానాన్ని సంపాధించుకున్నారు యువ సామ్రాట్ అక్కినేని నాగార్జున.

ఇక ఇప్పుడు అక్కినేని మూడో తరం వచ్చింది. అక్కినేని అఖిల్ తెరంగేట్రం ఈరోజు ‘అఖిల్’ సినిమాతో థియేటర్లో సందడి చేయబోతున్నాడు. వినాయక్ డైరక్షన్లో వస్తున్న ఈ సినిమాను యువ హీరో నితిన్ నిర్మాణ భాధ్యతలను తీసుకున్నాడు. సయేషా సైగల్ హీరోయిన్ గా నటిస్తున్న అఖిల్ మూవీ ఈరోజు ప్రపంచ వ్యాప్తంగా రిలీజ్ అవుతుంది. అఖిల్ సినిమా మరో ప్రస్థానానికి నాంధి పలికేలా హిట్ అయ్యి. ఏయన్నార్ నట ప్రస్థానం ఆయన నట వారసుడు నాగార్జున కొనసాగించినట్టుగా.. అఖిల్ కూడా స్టార్ హీరోగా చరిత్ర సృష్టించే సినిమాలు తీయాలని కోరుకుంటూ.. అక్కినేని ఫ్యామిలీ నుండి వస్తున్న ఈ ధృవ తార యువ హీరోల్లో ట్రెండ్ సెట్ చేయాలని ఆశిస్తున్నారు అక్కినేని అభిమానులు.