‘అల వైకుంఠపురంలో’ సినిమా బ్లాక్ బస్టర్. సంక్రాంతికి వచ్చిన ఈ సినిమా అల్లు అర్జున్ కెరీర్ లోనే హయ్యెస్ట్ వసుళ్ళూ సాధించిన సినిమాగా నిలిచింది. అంతేకాదు..నాన్ బాహుబలి రికార్డులన్నీ బద్దలు కొట్టేసింది. ఇందులో అల్లు అర్జున్ ఆటపాట అందరినీ అలరించింది. చిన్నాపెద్దా అని తేడా లేకుండా టోటల్ తెలుగు ఆడియన్స్ మెస్మరైజ్ చేసింది. ఇప్పుడు ఈ సినిమా నుండి కొత్త సీన్లు బయటికి వచ్చాయి. నిడివి కారణంగా సినిమా నుండి లేపేసిన సీన్లు అల్లు అర్జున్ తన యూట్యూబ్ ఛానల్ పోస్ట్ చేశాడు.

అల్లు అర్జున్-సుశాంత్ మధ్య చిత్రీకరించిన సీన్ ఇది. సుశాంత్ స్విమ్ చేస్తుండగా బంటు (అల్లు అర్జున్) సీక్రెట్ గా తీసిన వీడియో చూపిస్తాడు. అందులో సుశాంత్ పాత్ర మందు కొట్టడం, ఒకేసారి రెండు సిగరెట్లు వెలిగించడం కనిపిస్తుంది. అయితే బ్యాక్ గ్రౌండ్ లో వాడిన అర్జున్ రెడ్డి బిజియం మాత్రం కెవ్వుకేక. ఈ వీడియోకి ఓ పేరు కూడా పెడతాడు బంటు. అదే అర్జున్ రెడ్డి పార్ట్ 2. ఈ సీన్ సినిమాలో వుంటే అర్జున్ రెడ్డి ఫ్యాన్స్ కూడా తెగ ఖుషి అయ్యేవారు. కానీ నిడివి కారణంగా సినిమాలో సీన్ నోచుకోలేకపోయింది.