కొన్ని కాంబినేష‌న్లు తెర‌పై చూసుకోవ‌డానికే కాదు.. మాట్లాడుకోవ‌డానికి సైతం.. భ‌లే క్రేజీగా ఉంటాయి. అలాంటి కాంబో ఒక‌టి కుదిరింది. క‌మ‌ల్ హాస‌న్‌ని, విద్యాబాల‌న్‌ని వెండి తెర‌పై ప‌క్క ప‌క్క‌న చూడ‌బోతున్నాం. అది కూడా మ‌ణిర‌త్నం ద‌ర్శ‌క‌త్వంలో.
సుదీర్ఘ విరామం త‌ర‌వాత మ‌ణిర‌త్నం – క‌మ‌ల్ హాస‌న్‌ల కాంబో కుదిరింది. `నాయ‌గ‌న్‌` త‌ర‌వాత వీరిద్ద‌రూ ఓ సినిమా కోసం ప‌నిచేయ‌డం ఇదే తొలిసారి. ఈ సినిమాలో విద్యాబాల‌న్‌ని క‌థానాయిక‌గా ఎంచుకొన్న‌ట్టు తెలిసింది. క‌మ‌ల్‌హాస‌న్ జాతీయ ఉత్త‌మ న‌టుడు. జాతీయ ఉత్త‌మ న‌టిగా.. విద్యాబాలన్ అవార్డులు అందుకొంది. ఇద్ద‌రు నేష‌న‌ల్ అవార్డ్ విన్న‌ర్‌తో.. మ‌ణిర‌త్నం ఏం చేయ‌బోతున్నాడా? అనే ఆస‌క్తి అంద‌రిలోనూ నెల‌కొంది. నిజానికి ఈ పాత్ర కోసం ముందుగా న‌య‌న‌తార‌ని సంప్ర‌దించారు. కానీ ఎందుక‌నో.. ఈ ఛాన్స్ విద్యాబాలన్ ద‌గ్గ‌ర‌కు వెళ్లింది. ఈమ‌ధ్య విద్యాబాలన్ సినిమాల‌కు దూరంగా ఉంటోంది. కొత్త క‌థ‌లేవీ ఒప్పుకోలేదు. కానీ మ‌ణి – క‌మ‌ల్ కాంబో అన‌గానే మ‌రో మాట మాట్లాడ‌కుండానే, ఈ ప్రాజెక్టుపై సంత‌కం చేసింద‌ని స‌మాచారం.
