ఫిబ్ర‌వ‌రిలో కొత్త సినిమాల‌తో థియేట‌ర్లు క‌ళ‌క‌ళ‌లాడ‌బోతున్నాయి. ఈనెల‌లో వ‌స్తున్న సినిమాల్లో ఎక్కువ అట్రాక్ష‌న్ ఉన్న సినిమా తండేల్‌. నాగ‌చైత‌న్య – సాయి ప‌ల్ల‌వి జంట‌గా న‌టించిన సినిమా ఇది. సాయిప‌ల్ల‌వి సినిమా అంటే.. ఆడియ‌న్స్ ముందే ప్రిపేర్ అయిపోతున్నారు. ముఖ్యంగా ఫ్యామిలీస్ థియేట‌ర్ల ముందు క్యూ క‌డ‌తాయి. ఆమె ఇమేజ్ అలాంటిది. సాయి ప‌ల్ల‌వి క్రేజ్ ఈ సినిమాకు ప్ల‌స్ పాయింట్. దానికి తోడు పాట‌లు బాగున్నాయి. ట్రైలర్ కూడా నీట్ గా క‌ట్ చేశారు. సినిమా నిడివి 2 గంట‌ల 25 నిమిషాలు. అంటే చాలా షార్ప్‌గా క‌ట్ చేసిన‌ట్టే.

ప్ర‌మోష‌న్లు కూడా గ‌ట్టిగానే ప్లాన్ చేస్తున్నారు. ప్రీ రిలీజ్ ఫంక్ష‌న్‌కి అల్లు అర్జున్‌ని తీసుకురావాల‌న్న‌ది ప్లాన్‌. గీతా ఆర్ట్స్ నుంచి వ‌స్తున్న సినిమా కాబ‌ట్టి బ‌న్నీ త‌ప్ప‌కుండా వ‌స్తాడ‌నే అనుకొంటున్నారు. ఈరోజు చెన్నైలో ఈవెంట్ జ‌ర‌గ‌బోతోంది. ముంబైలో చేసే ఈవెంట్ ని అమీర్ ఖాన్‌ని పిల‌వాల‌ని అనుకొంటున్నారు. అమీర్ రాక‌పోయినా, ఓ స్టార్ హీరో ఈ వేడుక‌కు వ‌స్తాడు. ఈ సినిమా నుంచి మ‌రో రెండు పాట‌లు రావాల్సివుంది. విడుద‌ల‌కు ముందు మ‌రో ట్రైల‌ర్ వ‌దులుతారేమో అనిపిస్తోంది. నాన్ థియేట్రిక‌ల్ రైట్స్ రూపంలో మంచి మొత్త‌మే అందుకొన్నారు. మొత్తానికి పూర్తి పాజిటీవ్ బ‌జ్‌తో వ‌స్తున్న సినిమా ఇది. ఓపెనింగ్స్ రావ‌డం ప‌క్కా. టాక్ బాగుంటే… సినిమా నిల‌బ‌డిపోతుందన‌డంలో సందేహం లేదు.