నవ్యాంధ్రప్రదేశ్‌కు మొదటి మహిళా హోంమంత్రిగా గుంటూరు జిల్లా ప్రత్తిపాడు ఎమ్మెల్యే.. మేకతోటి సుచరిత విధులు నిర్వహించనున్నారు. ఈ మేరకు.. ముఖ్యమంత్రి జగన్మోహన్ రెడ్డి ఆమెకు.. ప్రభుత్వంలో నెంబర్ టూ గా భావించే హోంశాఖను ఆమెకు అప్పగించారు. ఉదయం.. మంత్రులందరితో గవర్నర్ ప్రమాణస్వీకారం చేయించారు. కాసేపటికే… ఇరవై ఐదు మంది మంత్రులకు శాఖలకు కేటాయిస్తూ… అధికారిక ఉత్తర్వులు విడుదల చేశారు. ఉప ముఖ్యమంత్రులుగా పాముల పుష్పశ్రీవాణి ( ఎస్టీ ), పిల్లి సుభాష్ చంద్రబోస్ ( బీసీ ), ఆళ్ల కాళీకృష్ణ శ్రీనివాస్ ( కాపు ) , కే నారాయణస్వామి ( ఎస్సీ ), అంజాద్ బాషా ( మైనార్టీ ) లను ప్రకటించారు.
ప్రభుత్వంలో నెంబర్ టూగా భావించే.. హోంశాఖను… చిత్తూరు జిల్లాకు చెందిన పెద్దిరెడ్డి రామచంద్రారెడ్డికి ఇస్తారని ప్రచారం జరిగింది. కానీ జగన్మోహన్ రెడ్డి మాత్రం మహిళా మంత్రి వైపు మొగ్గు చూపారు. ఊహించినట్లుగానే… డోన్ ఎమ్మెల్యే బుగ్గన రాజేంద్రనాథ్ రెడ్డికి ఆర్థిక శాఖను అప్పగించారు.
| ధర్మాన కృష్ణదాస్ | రోడ్లు భవనాలు |
| బొత్స సత్యనారాయణ | మున్సిపల్, అర్బన్ డెవలప్‌మెంట్ |
| పుష్పశ్రీవాణి ( డిప్యూటీ సీఎం ) | గిరిజన సంక్షేమం |
| అవంతి శ్రీనివాస్ | పర్యాటకం |
| కన్నబాబు | వ్యవసాయం |
| పిల్లి సుభాష్ ( డిప్యూటీ సీఎం ) | రెవిన్యూ |
| పినిపె విశ్వరూప్ | సాంఘిక సంక్షేమం |
| ఆళ్ల నాని ( డిప్యూటీ సీఎం ) | వైద్య ఆరోగ్య శాఖ |
| శ్రీరంగనాథరాజు | హౌసింగ్ |
| తానేటి వనిత | మహిళా శిశు సంక్షేమం |
| కొడాలి నాని | పౌరసరఫరాలు |
| పేర్ని నాని | రవాణా, ఐ అండ్ పీఆర్ |
| వెల్లంపల్లి శ్రీనివాస్ | దేవాదాయ |
| మేకతోటి సుచరిత | హోం |
| మోపిదేవి వెంకటరమణ | మత్స్యశాఖ, మార్కెటింగ్ |
| బాలినేని శ్రీనివాస్ రెడ్డి | అడవులు, పర్యావరణశాఖ |
| అదిమూలపు సురేష్ | విద్యాశాఖ |
| అనిల్ కుమార్ యాదవ్ | ఇరిగేషన్ |
| గౌతం రెడ్డి | ఐటీ , పరిశ్రమల శాఖ |
| పెద్దిరెడ్డి | పంచాయతీరాజ్ , గ్రామీణాభివృద్ధి, గనులు |
| నారాయణస్వామి ( డిప్యూటీ సీఎం ) | ఎక్సైజ్, వాణిజ్య పన్నులు |
| బుగ్గన రాజేంద్రనాథ్ రెడ్డి | ఆర్థిక శాఖ |
| గుమ్మనూరు జయరాం | కార్మిక శాఖ |
| అంజాద్ భాషా ( డిప్యూటీ సీఎం ) | మైనారిటీ సంక్షేమం |
| శంకర్ నారాయణ | బీసీ సంక్షేమం |
కొడాలి నానికి కీలకమైన శాఖ దక్కుతుందన్న ప్రచారం జరిగింది కానీ… ఆయకు పౌరసరఫరాల శాఖ మాత్రమే దక్కింది. సాధారణంగా… ప్రభుత్వంలో … ముఖ్యమంత్రి తర్వాత హోంమంత్రికి ఎక్కువ పవర్స్ ఉంటాయి. అందుకే.. ఎక్కువగా… తమ ఆదేశాలు పాటించేవాళ్లు.. సొంత నిర్ణయాలు తీసుకోని వాళ్లనే.. ముఖ్యమంత్రులుగా .. హోంమంత్రిగా ఎంపిక చేసుకుంటారు. బహుశా…జగన్మోహన్ రెడ్డి కూడా అదే ప్లాన్ ను అమలు చేసి ఉంటారని భావిస్తున్నారు.
