విన‌య విధేయ రామ త‌ర‌వాత బోయ‌పాటికి గ‌ట్టి బ్రేకే వ‌చ్చింది. ఈ సినిమాతో బోయ‌పాటి ఇమేజ్‌కి భారీ స్థాయిలో డామేజ్ అయిన మాట వాస్త‌వం. కాక‌పోతే… ఆయ‌న‌కు అవ‌కాశాలేం త‌గ్గ‌లేదు. వ‌స్తూనే ఉన్నాయి. ఇది వ‌ర‌కే గీతా ఆర్ట్స్‌లో ఓ సినిమా చేయ‌డానికి ఒప్పందం కూడా కుదిరింది. ఈరోజు ఓ సినిమా పంక్ష‌న్‌లో బోయ‌పాటితో ఓ సినిమా ఉంటుంద‌ని నిర్మాత అల్లు అర‌వింద్ కూడా హింట్ ఇచ్చేశారు. దాంతో ఈ కాంబో రేపో – మాపో మొద‌లైపోతుంద‌న్న‌ట్టు వార్త‌లు వండేస్తున్నాయి సోష‌ల్ మీడియా వ‌ర్గాలు. నిజానికి బోయ‌పాటి, గీతా ఆర్ట్స్‌ల కాంబో ఇప్పుడు అనుకున్న‌ది కాదు. `స‌రైనోడు` స‌మ‌యంలోనే గీతా ఆర్ట్స్ లో మ‌రో సినిమా చేయ‌డానికి బోయ‌పాటి సంతంకం చేశాడు. చిరంజీవి 151వ సినిమాకి బోయ‌పాటినే ద‌ర్శ‌కుడ‌ని ముందు ఫిక్స‌య్యారు. కానీ… చిరంజీవి ఆలోచ‌న మారింది. ఆయ‌న స‌డ‌న్‌గా `సైరా`ని రంగంలోకి దించారు. దాంతో గీతా ఆర్ట్స్‌లో బోయ‌పాటి సినిమా ప‌క్క‌కు వెళ్లిపోయింది. ఇప్పుడు కూడా చిరంజీవితో ఓసినిమా చేయాల‌ని బోయ‌పాటి ఆశ ప‌డుతున్నాడు. కానీ… అందుకు ఇంకా టైమ్ ప‌డుతుంది. విన‌య విధేయ రామా త‌ర‌వాత‌… బోయ‌పాటి తో ఓ సినిమా చేయ‌డానికి గీతా ఆర్ట్స్ సాహ‌సం చేయ‌కపోవొచ్చు. ఇటు బోయ‌పాటి కూడా త‌న చేతిలో ఉన్న క‌మిట్‌మెంట్స్ పూర్తి చేయాలి. బాల‌య్య‌తో బోయ‌పాటి ఓ సినిమా చేయాల్సివుంది. ఈలోగా ఎన్ని ఆఫ‌ర్లు వ‌చ్చినా, వాటిని ప‌క్క‌న పెడుతున్నాడు బోయ‌పాటి. బాల‌య్య‌తో ఓ హిట్టు కొట్టాడంటే… గీతా ఆర్ట్స్‌తో స‌హా అగ్ర నిర్మాణ సంస్థ‌ల‌న్నీ త‌న వెంట ప‌డ‌తాయ‌ని బోయ‌పాటికి కూడా బాగా తెలుసు. అందుకే త‌న ఫోక‌స్ అంతా… బాల‌య్య సినిమాపైనే పెట్టాడు బోయ‌పాటి.

https://www.youtube.com/watch?v=KAgrJbTvV0c