శుక్రవారం రిలీజ్ అవుతున్న సరైనోడు సినిమా కోసం మెగా అభిమానుల హడావిడి ఆల్రెడీ స్టార్ట్ అయ్యింది. అయితే ఈ సినిమా హీరో అల్లు అర్జున్, దర్శకుడు బోయపాటిలకు సరైనోడు పెద్ద పరిక్షే పెట్టిందని చెప్పాలి. సరైనోడు సినిమాలో ఎప్పుడూ చూడని మాస్ ఎలిమెంట్స్ తో కనిపిస్తూ తన స్టైల్ కు కొత్త రూపాన్ని తీసుకొచ్చాడు అల్లు అర్జున్. అయితే స్టైలిష్ స్టార్ అన్న పేరున్న ఈ హీరో ఇలాంటి ఊర మాస్ సినిమాతో కూడా మెప్పిస్తాడా లేదా అన్నది చర్చించాల్సిన అంశం. ఇక ఈ సినిమా హిట్ అయితే బన్నిని అదే మన అల్లు అర్జున్ ను ఆల్ రౌండర్ అనాల్సిందే.
ఇక స్టార్ట్ కెమెరా యాక్షన్ అనగానే కత్తులతో శత్రువులను రక్తపుటేరుల్లో పరుగెత్తేలా చేసే దర్శకుడు బోయపాటి శ్రీను కెరియర్ లో సింహా, లెజెండ్ లాంటి సూపర్ హిట్స్ ఉన్నా స్టార్ డైరక్టర్ ట్యాగ్ మాత్రం తగిలించుకోలేకపోయాడు. ట్రెండ్ సెట్ మూవీస్ తీస్తున్నా బోయపాటి మార్క్ ఇంకా పడట్లేదనే అనాలి. అయితే అల్లు అర్జున్ లాంటి స్టైలిష్ యాక్టర్ తో సరైనోడు సినిమా తీసిన బోయపాటి తాను కూడా దర్శకుడిగా ఆల్ రౌండర్ అనిపించుకుంటాడో లేదో చూడాలి. మరి సరైనోడు సినిమా దర్శకుడు, హీరో ఇద్దరు ఆల్ రౌండర్ గా సినిమా బ్లాక్ బస్టర్ కొడతారో లేదో సినిమా ఫలితంతో తెలుస్తుంది.
