అల్లు అర్జున్ సుకుమార్ కాంబినేషన్ లో ఓ చిత్రం రూపుదిద్దుకుంటోంది. రేపు (బుధవారం) బన్నీ పుట్టిన రోజు. ఈ సందర్భంగా సుకుమార్ సినిమాకి సంబంధించిన ఫస్ట్ లుక్ తో పాటు, టైటిల్ నీ విడుదల చేయబోతున్నారు. అయితే టైటిల్ కాస్త ముందుగానే లీకైపోయింది. ఈ చిత్రానికి `పుష్ష` అనే టైటిల్ ఫిక్స్ చేశారు. రేపు దీన్నే అధికారికంగా ప్రకటిస్తారు. ఈ సినిమా కోసం రెండక్షరాల టైటిల్ ని అనుకుంటున్నారని తెలుగు 360 ముందే చెప్పింది. అయితే అందరూ అనుకుంటున్నట్టు ఇది అమ్మాయి పేరు కాదు. హీరో పేరే. పుష్ఫక్ నారాయణ్ గా ఈ సినిమాలో బన్నీ కనిపించబోతున్నాడు. తనని అంతా పుష్ష అని పిలుస్తుంటారు. అదే ఇప్పుడు టైటిల్ అయ్యింది. పోస్టర్ లో రిలీజ్ డేట్ కూడా ఉండే అవకాశం ఉందని టాక్. 2021 వేసవిలో ఈ చిత్రాన్ని విడుదల చేస్తారు. అదే విషయాన్ని పోస్టర్ లోనూ గుర్తు చేసే అవకాశం ఉంది.