అల్లు అర్జున్ – త్రివిక్ర‌మ్ సినిమా ఎప్పుడు ప‌ట్టాలెక్కుతుంది..? అస‌లు వీరిద్ద‌రూ క‌ల‌సి ప‌నిచేస్తారా? ఈ సినిమా ఉందా, లేదా? అనే అనుమానాల‌కు పుల్ స్టాప్ పెట్టేయొచ్చు. ఎందుకంటే.. ఈ సినిమా ప‌ట్టాలెక్క‌డానికి రెడీగా ఉంది. ఈనెల 27న ఈ సినిమాకి కొబ్బ‌రికాయ కొడ‌తార‌ని టాక్‌. క‌థానాయిక‌గా పూజా హెగ్డే ఎంపిక ఇక లాంఛ‌న‌మే. సంగీత బాధ్య‌త‌లు త‌మ‌న్ స్వీక‌రిస్తారు.
మ‌రోవైపు నంద‌మూరి బాల‌కృష్ణ – బోయ‌పాటి శ్రీ‌ను సినిమాకూ రంగం సిద్ధం అవుతోంది. ఎన్నిక‌ల‌య్యాకే షూటింగ్ మొద‌లెడ‌తారు కానీ.. ఈలోగా లాంఛ‌నంగా పూజా కార్య‌క్ర‌మాలు నిర్వ‌హించాల‌ని బాల‌య్య డిసైడ్ అయ్యారు. ఈ నెల 28న హైద‌రాబాద్‌లో ఈ చిత్రానికి కొబ్బ‌రికాయ కొడ‌తారు. ఆంధ్ర‌ప్ర‌దేశ్ ఎన్నిక‌లు పూర్త‌య్యాక… షూటింగ్ మొద‌ల‌వుతుంది. సంగీత బాధ్య‌త‌ల్ని దేవిశ్రీ ప్ర‌సాద్‌కి అప్ప‌గించిన‌ట్టు తెలుస్తోంది. సింహా, లెజెండ్ చిత్రాల‌కు దేవినే సంగీతం అందించాడు. ఆ కాంబినేష‌న్‌ని రిపీట్ చేయించాల‌న్న‌ది బాల‌య్య ఆలోచ‌న.
