‘నా పేరు సూర్య – నా ఇల్లు ఇండియా’ త‌ర‌వాత అల్లు అర్జున్ `ఐకాన్` చేయాల్సింది. వేణు శ్రీ‌రామ్ చెప్పిన ఈ క‌థ బ‌న్నీకి బాగా న‌చ్చింది. దిల్ రాజు ప్రొడ‌క్ష‌న్ లో రూపొందించాల‌నుకున్నారు. కొంత వ‌ర్క్ కూడా చేశారు. ఎందుక‌నో.. దాన్ని ప‌క్క‌న పెట్టేశారు. ఆ త‌ర‌వాత ‘అల వైకుంఠ‌పుర‌ములో’ మొద‌లైంది. అది సూప‌ర్ హిట్ట‌వ్వ‌డం, ఆ వెంట‌నే సుకుమార్ సినిమా ప‌ట్టాలెక్కేయ‌డంతో `ఐకాన్`ని మ‌ర్చిపోయారంతా.
అయితే దిల్ రాజు టీమ్ మాత్రం ‘ఐకాన్’ సినిమాని మ‌ళ్లీ గుర్తు చేసింది. ఈ రోజు బ‌న్నీ పుట్టిన రోజు సంద‌ర్భంగా ‘ఐకాన్’ టీమ్ బ‌ర్త్‌డే విషెష్ చెబుతూ ఓ పోస్ట‌ర్‌ని విడుద‌ల చేసింది. పోస్ట‌ర్ పాత‌దే. కాక‌పోతే… ఈ సినిమాపై కొత్త ఆశ‌లు చిగురించ‌డం మొద‌లెట్టాయి. ఈ సినిమా ప‌క్క‌న పెట్టేలేద‌ని, బ‌న్నీతో తీస్తామ‌న్న సంకేతాల్ని పంపింది చిత్ర‌బృందం. నిజానికి ఈ కథ‌పై ఇప్ప‌టికీ బ‌న్నీకి మ‌మ‌కారం పోలేదు. కాక‌పోతే ఇదో ప్ర‌యోగాత్మ‌క క‌థ. క‌మ‌ర్షియ‌ల్ గా ఎంత వ‌ర్క‌వుట్ అవుతుందో అన్న అనుమానం ఉంది. అందుకే బ‌న్నీ కాస్త జంకుతున్నాడు. ఇప్పుడు కాక‌పోయినా, రాబోయే రోజుల్లో అయినా త‌న క‌థ‌లో బ‌న్నీని చూసుకోవ‌చ్చ‌ని వేణు శ్రీ‌రామ్ న‌మ్మ‌కంగా ఎదురు చూస్తున్నాడు. ప్ర‌స్తుతం వేణు శ్రీ‌రామ్ `పింక్ `రీమేక్ తో బిజీగా ఉన్నాడు. ఆ సినిమా హిట్ట‌యితే, వేణుపై న‌మ్మ‌కం కుద‌రొచ్చు. ఐకాన్ ప‌ట్టాలూ ఎక్క‌వ‌చ్చు.
Team #ICON wishes Stylish Star @alluarjun a Very Happy Birthday! #HappyBirthdayAlluArjun pic.twitter.com/jeRDhpc4zw
— Sri Venkateswara Creations (@SVC_official) April 8, 2020
