స్టైలిష్ స్టార్ అల్లు అర్జున్ ఆలోచనలు ఎవరికి అర్ధం కావు.. సైలెంట్ గా కనిపిస్తూనే స్టార్ హీరోలకు ఎత్తులు పై ఎత్తులు వేస్తుంటాడు అల్లు అర్జున్. ప్రస్తుతం స్టార్ హీరోగా సూపర్ క్రేజ్ సంపాధించిన అల్లు అర్జున్ ఇప్పటికే తన సినిమాలను తమిళ, మలయాళ భాషల్లో రిలీజ్ చేయించి అక్కడ కూడా ఫాలోయింగ్ ను పెంచుకుంటున్నాడు. తను తీసేది చాలా వరకు యూత్ ఫుల్ సినిమాలే కాబట్టి బన్నికి మార్కెట్ లో మంచి క్రేజ్ ఉంది.
అయితే ప్రస్తుతం బన్ని ఈ క్రేజ్ ను ఇంకా విస్తరించాలనే ఉద్దేశంతో తెలుగు తమిళ భాషల్లో ఓ బైలింగ్వల్ మూవీకి ప్లాన్ చేస్తున్నాడట. దానికి లింగుసామితో చర్చలు జరుపుతున్నాడని తెలుస్తుంది. కోలీవుడ్ దర్శకుడు లింగుసామి అంటే మంచి మాస్ దర్శకుడనే భావన ఉంది. అయితే ఆ దర్శకుడితో తెలుగు, తమిళ భాషల్లో సినిమా చేయడానికి ఏర్పాట్లు చేస్తున్నాడు బన్ని. ప్రస్తుతం బన్ని సరైనోడు సినిమా చిత్రీకరణ చివరి దశలో ఉంది. ఇక ఈ సినిమా పూర్తయ్యాక విక్రం కుమార్ దర్శకత్వంలో ఓ సినిమా ఉంటుందని అన్నారు.
ఇక లింగుసామి కూడా ఈలోపు విశాల్ తో పందెం కోడి సీక్వల్ సినిమా పూర్తిచేస్తాడట. అయితే బన్నితో లింగుసామి తీసే ఎలా ఉండబోతుందా అని ఇప్పటినుండే అభిమానులు ఊహించుకోవడం మొదలెట్టారు. ఈ ఇద్దరి కలయికతో వచ్చే సినిమా ఎలాంటి సంచలనాలు సృష్టిస్తుందో చూడాలి.
