పార్టీ లేదా పుష్పా డైలాగ్ ఏ ముహూర్తంలో రాశారో గానీ, పుష్ప వ‌ల్ల అన్నీ పార్టీలే. ఆ సినిమా సూప‌ర్ హిట్టుతో బోలెడు పార్టీలు చేసుకొన్నారు. ఇప్పుడ నేష‌న‌ల్ అవార్డు పార్టీలు మొద‌ల‌య్యాయి. నేష‌న‌ల్ అవార్డు వ‌చ్చాక మీడియాకి మంచి పార్టీ ఇచ్చాడు బ‌న్నీ. ఇప్పుడు అస‌లు సిస‌లైన పార్టీకి రంగం సిద్దం అవుతోంది.

69 ఏళ్ల చ‌రిత్ర‌లో తొలిసారి.. ఓ తెలుగు న‌టుడికి జాతీయ అవార్డు వ‌రించింది. ఈ సంద‌ర్భం ఎప్ప‌టికీ గుర్తుండిపోయేలా బ‌న్నీ ఓ ప్లాన్ చేస్తున్నాడు. ఈవారంలోనే ఓ స‌ర్‌ప్రైజ్ పార్టీ ఇవ్వ‌బోతున్నాడు. ఈ పార్టీకి ఇండ‌స్ట్రీలోనిప్ర‌ముఖులంద‌రికీ ఆహ్వానాలు అందుతున్నాయి. పుష్ప కోసం ప‌ని చేసిన ప్ర‌తీ ఒక్క‌రినీ ప్ర‌త్యేకంగా స‌త్క‌రించాల‌ని బ‌న్నీ భావిస్తున్నాడ‌ట‌. వాళ్ల కోసం ప్ర‌త్యేక బ‌హుమానాలు కూడా సిద్ద‌మ‌య్యాయ‌ని టాక్‌. అంతే కాదు.. బ‌న్నీకి కోలీవుడ్ లోనూ, బాలీవుడ్ లోనూ మిత్రులు ఉన్నారు. వాళ్లు సైతం ఈ పార్టీకి హాజ‌రు అవుతున్నార‌ట‌. టాలీవుడ్ లోనే ఎప్ప‌టికీ గుర్తుండిపోయేలా ఈ విందు ఉండాల‌ని బ‌న్నీ భావిస్తున్నాడ‌ట‌. ఈ పార్టీ ఎప్పుడు? ఎక్క‌డ‌? అనే విష‌యాలు త్వ‌ర‌లో వెల్ల‌డ‌వుతాయి.