ప్రియా… ప్రియా.. ప్రియా… నెట్టింట్లో యువత ఈ అమ్మాయి మాయలో పడిందయా! ఫేస్‌బుక్‌లో పోస్ట్‌లు ట్విట్ట‌ర్‌లో ట్వీట్లు, వాట్సాప్ స్టేట‌స్‌లు, గ్రూపుల్లో డిస్కషన్లు… ఎక్కడ లుక్కేస్తే అక్కడ ఈ అమ్మాయి కనబడుతోంది. ఒక్క వీడియోతో ఇంట‌ర్‌నెట్‌లో సెన్సెష‌న్ సృష్టించింది. “ఇటీవల కాలంలో నేను చూసిన క్యూటెస్ట్ వీడియో ఇది. సింప్లిసిటీకి ఉన్న పవర్ ఇదే. లవ్ ఇట్” అని అల్లు అర్జున్ ట్వీట్ చేశారు. చాలామంది ఈ అమ్మాయి ఊరు, పేరు తెలీకుండా ఆమెతో ప్రేమలో పడ్డారు. అంతలా జనాలను మాయలో పడేసిన అమ్మాయిపై ఒక లుక్కేయండి.

– ఈ అమ్మాయి పేరు ప్రియా ప్రకాశ్‌ వారియర్‌. ఆమెది కేరళలోని త్రిసూర్‌. వయసు 18 ఏళ్లు. ప్రస్తుతం బీకామ్ చదువుతోంది.

– చిన్నతనం నుంచి ప్రియకు సినిమాలంటే ఇష్టం. యాక్టర్ కావాలనేది ఆమె కోరిక. ప్లస్ టూ (ఇంటర్) టైమ్ నుంచి సినిమా ఆఫీసుల చుట్టూ తిరిగింది. కొన్ని ఫ్యాషన్‌ షోలలో మోడల్‌గా ర్యాంప్‌ వాక్ చేసింది. మూడు షార్ట్‌ ఫిల్మ్స్‌లో నటించింది. మలయాళ సంప్రదాయ నృత్యం ‘మోహినీఆట్టం’ నేర్చుకుంది.
– మలయాళ సినిమా ‘ఒరు ఆదార్‌ లవ్‌’తో వెండితెరకు పరిచయమవుతోంది. ఇప్పుడు ఇంట‌ర్‌నెట్‌లో వైరల్ అవుతోన్న వీడియో ఆ సినిమాలోని ‘మాణిక్య మలయ పూవై’ పాటలోనిది.

– ఇప్పుడు ప్రియ ఎంత ఫేమస్ అంటే… ఒక్క రోజులో ఇన్‌స్టాగ్రామ్‌లో ఆమె ఫాలోయర్స్ ఆరు లక్షల మంది పెరిగారు. ఇన్‌స్టాగ్రామ్‌ హిస్టరీలో ఇది ఒక రికార్డ్. గతంలో హాలీవుడ్‌ మోడల్‌ కైలీ జెన్నర్‌కు మొన్న ఫిబ్రవరి 5న 8.6 లక్షల మంది, గతేడాది నవంబర్ 13న ఫుట్‌బాల్‌ ప్లేయర్ క్రిస్టియానో రోనాల్డోకి 6.5 లక్షల మంది ఫాలోయర్స్ పెరిగారు. ఇన్‌స్టాగ్రామ్‌ హిస్టరీలో ఒక్క రోజులో అత్యధిక ఫాలోయర్స్ పెరిగిన మూడో సెలబ్రిటీగా ప్రియ రికార్డులకు ఎక్కింది.