అల్లు అర్జున్ కెరీర్‌లో మ‌ర్చిపోలేని సినిమా ‘ఆర్య‌’. ఆ సినిమాతోనే యూత్‌కి బాగా ద‌గ్గ‌ర‌య్యాడు. బ‌న్నీలోని టాలెంట్ ఏ స్థాయిలో ఉందో నిరూపించిన చిత్ర‌మిది. ఈ సినిమాతోనే సుకుమార్ ద‌ర్శ‌కుడిగా ప‌రిచ‌యం అయ్యాడు. ఇప్పుడు టాప్ పొజీష‌న్‌లో ఉన్నాడు. సుకుమార్ మాత్ర‌మే కాదు, ‘ఆర్య‌’ చిత్రం కోసం ప‌ని చేసిన న‌టీన‌టులు, సాంకేతిక నిపుణులూ అంతా ఉన్న‌త స్థానంలో ఉన్నారు. వీళ్లంద‌రూ త్వ‌ర‌లో కలిసి ఓ పార్టీ చేసుకోబోతున్నారు. మే 7 నాటికి ‘ఆర్య‌’ విడుద‌లై.. 20 ఏళ్లు పూర్త‌వుతుంది. ఈ సంద‌ర్భంగా ‘ఆర్య‌’ టీమ్ రీ యూనియ‌న్ కాబోతోంది. హైద‌రాబాద్ లో ‘ఆర్య‌’ రీ యూనియ‌న్ పార్టీ కోసం దిల్ రాజు ప్లాన్ చేస్తున్నారు. ఈ సంద‌ర్భంగా టీమ్ మొత్తం క‌ల‌వ‌బోతోంది. ‘ఆర్య‌’ ఇచ్చిన కిక్ తో ‘ఆర్య 2’ కూడా చేశారు. కాక‌పోతే.. ఆ సినిమా విజ‌యాన్ని అందుకోలేదు. అయితే ఇప్పుడు ‘ఆర్య 3’ చేయాల‌న్న ఆలోచ‌న‌లో దిల్ రాజు ఉన్న‌ట్టు తెలుస్తోంది. 20 ఏళ్ల రీ యూనియ‌న్ సంద‌ర్భంగా దిల్ రాజు `ఆర్య 3`కి సంబంధించిన ఓ అప్ డేట్ ఇచ్చే అవ‌కాశాలు ఉన్నాయ‌ని ఇన్ సైడ్ వ‌ర్గాలు చెబుతున్నాయి. అల్లు అర్జున్ – సుకుమార్ ఇప్పుడు ‘పుష్ష 2’ ప‌నుల్లో బిజీగా ఉన్నారు. ఆ త‌ర‌వాత ‘పుష్ష 3’ మొద‌ల‌వుతుంది. ఆ సినిమా అయ్యాక‌.. ఈ ఇద్ద‌రూ క‌లిసి ఓ ల‌వ్ స్టోరీ చేస్తే దానికి ‘ఆర్య 3’ అనే నామ‌క‌రణం చేసే అవ‌కాశాలు ఉన్నాయి.