`అల వైకుంఠ‌పుర‌ములో` ప‌బ్లిసిటీ మామూలుగా లేదు. ఇప్ప‌టికే ఓ బుల్లి టీజర్, పాట బ‌య‌ట‌కు వ‌చ్చేశాయి. రెండో పాట ‘రాములో రాములా’ టీజర్ మొన్న విడుద‌లైంది. ఈరోజు పూర్తి పాట వ‌స్తోంది. ఈ పాట మంచి మాస్ బాణీలో సాగుతుంద‌ని ముందే అర్థ‌మైపోయింది. ఇప్పుడు ఈ పాట‌కు మ‌రో అద‌న‌పు ఆక‌ర్ష‌ణ చేరింది. ఈ పాట‌లో బన్నీ గొంతు కూడా వినిపిస్తుంది. ఈపాట బన్నీ మాట‌ల‌తో ప్రారంభం కానుంది. ఈ రోజు సాయింత్రం విడుద‌ల‌య్యే పాట‌లో బన్నీ గొంతు కూడా వినొచ్చు. సంగీత ద‌ర్శ‌కుడు త‌మ‌న్‌కి హీరోల‌తో పాట‌లు పాడించే అల‌వాటు ఉంది. బన్నీతో కూడా హ‌మ్ చేయించి, త‌న ముచ్చ‌ట తీర్చుకున్నాడ‌న్నమాట. త్రివిక్ర‌మ్ ద‌ర్శ‌క‌త్వం వ‌హిస్తున్న చిత్ర‌మిది. పూజా హెగ్డే క‌థానాయిక‌గా న‌టించింది. జ‌న‌వ‌రి 12న ఈ చిత్రాన్ని విడుదల చేయ‌నున్నారు.
రాములో రాములా: గొంతు క‌లిపిన బన్నీ
