అల్లు వారి ఫ్యామిలీ నుండి వచ్చిన రెండో తరం రెండో వారసుడు అల్లు శిరీష్. గౌరవం, కొత్తజంట సినిమాలతో పర్వాలేదనిపించుకున్న ఈ కుర్రాడు మెగా అభిమానులను ఇంప్రెస్ చేయడంలో కాస్త వెనుకపడి ఉన్నాడు. అయితే తన కొత్త సినిమాను ఎలాగైనా ప్రేక్షకుల్లో తీసుకెళ్లాలనే ప్రయత్నంతో తనకు త్వరలో శ్రీరస్తు..శుభమస్తు జరుగనున్నదని రీసెంట్ గా ట్వీట్ చేశాడు.
అయితే ఆ ట్వీట్ చూసి అల్లు వారి ఇంట్లో పెళ్లి బాజాలు మొగనున్నాయా అని అందరు అనుకున్నారు. మరో డౌట్ ఒకవేళ అల్లు శిరీష్ నటించే తర్వాత సినిమా టైటిల్ అదవుతుందా అని కూడా కన్ ఫ్యూజ్ పడ్డారు. అయితే అనుకున్నట్టుగానే షాక్ ఇచ్చాడు శిరీష్. తను ప్రస్తుతం చేస్తున్న పరశురాం సినిమా టైటిలే శ్రీరస్తు శుభమస్తు అని పెట్టి ప్రేక్షకులను సర్ ప్రైజ్ చేశాడు. అంతేకాదు సినిమా ఫస్ట్ లుక్ పోస్టర్ ను కూడా రిలీజ్ చేసి వారెవా అనిపించాడు శిరీష్.
గీతా ఆర్ట్స్ బ్యానర్లో అల్లు అరవింద్ నిర్మిస్తున్న ఈ సినిమాతో శిరీష్ కమర్షియల్ సక్సెస్ కొట్టాలనుకుంటున్నాడు. ఫస్ట్ లుక్ పొస్టర్ మాత్రం అభిమానులను ఎంతగానే ఆకట్టుకుంటుంది.
