స్టైలిష్ స్టార్ అల్లు అర్జున్, బోయపాటి శ్రీను కాంబినేషన్ లో వస్తున్న సినిమా సరైనోడు. బన్నీ నుండి రాబోతున్న మరో స్టైలిష్ యాక్షన్ ఎంటర్టైనర్ సినిమా ఇది. అయితే ఈ నెల 26న ఫస్ట్ లుక్ పోస్టర్ విడుదల చేయనున్నట్టు అంతకుముందు ప్రకటన చేశారు. అసలైతే సంక్రాంతి టైంలో ఫస్ట్ లుక్ పోస్టర్ వస్తుంది అనుకున్న అల్లు అర్జున్ ఫ్యాన్స్ కు నిరాశే మిగిలింది. అన్ని సినిమాలు విడుదలవుతున్నప్పుడు తన సినిమా ఫస్ట్ లుక్ రిలీజ్ చేసినా అంత క్రేజ్ వస్తుందో రాదోనని ఆగాడు బన్నీ.

బన్నీ ఫస్ట్ లుక్ రిలీజ్ చేయనందుకు కాస్త బాధపడ్డా ఇక జనవరి 26న గణతంత్ర దినోత్సవం సందర్భంగా ఫస్ట్ లుక్ వస్తుంది కదా అని సంతోషపడ్డారు. అయితే అభిమానులు కోరుకున్న దాని కన్నా సర్ ప్రైజ్ ఇవ్వడంలో బన్నీకి సాటేలేరు. అందుకే 26న రిలీజ్ చేయాల్సిన ఫస్ట్ లుక్ పోస్టర్ ఈరోజే కొద్దిగంటల క్రితం తన ఫేస్ బుక్ లో అప్ లోడ్ చేశాడు. అయితే ఇది ఫస్ట్ లుక్ కాదు అంటున్నారు.

ఎందుకంటే ఈ పోస్టర్ లో అల్లు అర్జున్ ఓ ఆయుధాన్ని మాత్రమే పట్టుకున్న స్టిల్ ఉంది కాని తన లుక్ మాత్రం రివీల్ అవ్వలేదు. ఇక టైటిల్ కూడా ఫస్ట్ లుక్ తో పాటుగానే రివీల్ చేయనున్నారు దర్శక నిర్మాతలు. గీతా ఆర్ట్స్ బ్యానర్లో అల్లు అరవింద్ నిర్మిస్తున్న ఈ సినిమాలో రకుల్ ప్రీత్ సింగ్, కేథరిన్ లు కథానాయికలుగా నటిస్తున్నారు.