బ‌యోపిక్‌ల ప‌రంప‌ర‌లో మ‌రో సినిమా ప‌ట్టాలెక్క‌బోతోంది. ఈసారి మ‌న్యం వీరుడు.. అల్లూరి సీతారామ‌రాజు క‌థ‌ని చెప్ప‌బోతున్నారు. పి.సునీల్ కుమార్ రెడ్డి ఈ చిత్రానికి ద‌ర్శ‌క‌త్వం వ‌హిస్తారు. సొంత ఊరు, గంగపుత్రులు, గల్ఫ్ వంటి చిత్రాల‌ను అందించిన ద‌ర‌క్శ‌కుడు సునీల్‌కుమార్ రెడ్డి. ఈ చిత్రానికి “సీతారామరాజు” – ఏ ట్రూ వారియర్ అనే టైటిల్ ఖాయం చేశారు. మార్చిలో చిత్రీక‌ర‌ణ ప్రారంభిస్తారు. ఆగ‌స్టులో విడుద‌ల చేస్తారు. ఆ పాత్ర‌లో ఎవ‌రు క‌నిపిస్తార‌న్న‌ది ఆస‌క్తిగా మారింది. అల్లూరి పేరు చెబితే బ్రిటీష్ వారిపై చేసిన సాయుధ పోరాట‌మే గుర్తొస్తుంది. వాటిని అత్యున్న‌త సాంకేతిక నైపుణ్యంతో తెర‌పై తీర్చిదిద్దుతార్ట‌. తెలుగు వారికి అల్లూరి సీతారామ‌రాజు అంటే… సూప‌ర్ స్టార్ కృష్ణ‌నే. ఆయ‌న్ని మై మ‌ర‌పించే న‌టుడ్ని ఎవ‌రిని తీసుకొస్తారో చూడాలి.