అమ‌ల మళ్లీ మేక‌ప్ వేసుకోబోతున్నారు. స్వ‌చ్ఛంద సేవా కార్య‌క్ర‌మాలు, ఇంటి వ్య‌వ‌హారాలు, అక్కినేని ఇంట‌ర్నేష‌న‌ల్ స్కూలు ప‌నుల్లో బిజీగా ఉన్న అమ‌ల కొన్నేళ్లుగా సినిమాల గురించి అస్స‌లు ప‌ట్టించుకోవ‌డం లేదు. ఆ మ‌ధ్య `లైఫ్ ఈజ్ బ్యూటిఫుల్‌`లో మాత్రం అమ్మ‌గా క‌నిపించి మెప్పించారు. ఇప్పుడు మ‌రోసారి మేక‌ప్ వేసుకోవ‌డానికి రంగం సిద్ధం అవుతోంది. త్వ‌ర‌లోనే ఆమె బాలీవుడ్ చిత్రంలో న‌టించ‌బోతున్నారు. ఇర్ఫాన్ ఖాన్ తో క‌ల‌సి ఓ సినిమా చేస్తున్నారు. ఈ విష‌యాన్ని నాగ్ బ‌య‌ట‌పెట్టారు. ”అమ‌ల సినిమాల‌కు ఏం దూర‌మైపోలేదు. త‌న‌కీ న‌టించాల‌ని వుంది. కాక‌పోతే… త‌న‌కు త‌గిన పాత్ర‌ల కోసం ఎదురుచూస్తోంది. బాలీవుడ్ నుంచి త‌న‌కు మంచి అవ‌కాశం వ‌చ్చింది. త్వ‌ర‌లోనే అక్క‌డో సినిమా చేస్తుంది. క‌థేంటి..? పాత్రేమిటి? అనే విష‌యాలు నాక్కూడా తెలీవు. కానీ అమ‌ల న‌టించ‌డం ఖాయం” అని క్లారిటీ ఇచ్చారు నాగార్జున. అన్న‌పూర్ణ ఇంట‌ర్నేష‌న‌ల్ విద్యార్థులు కొన్ని క‌థ‌లు సిద్ధం చేస్తున్నార‌ట. వాళ్లు తెర‌కెక్కించే సినిమాల్లో న‌టించ‌డానికి అమ‌ల సంసిద్ద‌త వ్య‌క్తం చేసిన‌ట్టు తెలుస్తోంది. అంటే.. అమ‌ల ఇక మీద‌ట తెర‌పై త‌ర‌చూ క‌నిపించ‌డం ఖాయ‌మ‌న్న‌మాట.
బాలీవుడ్‌కి అమ‌ల
