అమేజాన్ ప్రైమ్‌.. ఈమ‌ధ్య పెద్ద సినిమాల‌కు కేరాఫ్ అడ్డాగా మారింది. నాని సినిమా `వి` అమేజాన్ కే వెళ్లింది. కీర్తి సురేష్ సినిమా `గుడ్ లక్ స‌ఖీ`ని అమేజాన్ సొంతం చేసుకుంది. ఇప్పుడు మ‌రో సినిమా అమేజాన్ ఖాతాలోకి వెళ్లిపోయింది. అదే… `ఆకాశం నీ హ‌ద్దురా`. సూర్య క‌థానాయ‌కుడిగా న‌టించిన చిత్ర‌మిది. ఆయ‌నే నిర్మాత‌. సుధా కొంగ‌ర ద‌ర్శ‌క‌త్వం వ‌హించారు. తెలుగు త‌మిళ భాష‌ల్లో ఒకేసారి తెర‌కెక్కింది. ఈ చిత్రాన్ని అమేజాన్ లో అక్టోబ‌రు 30న స్ట్రీమింగ్ కి ఉంచ‌బోతున్నారు. ఇందుకు సంబంధించిన అధికారిక ప్ర‌క‌ట‌న కూడా వ‌చ్చేసింది. ఎయిర్ డ‌క్క‌న్ వ్య‌వ‌స్థాప‌కుడు జి.ఆర్‌.గోపీనాథ్ జీవిత క‌థ ఆధారంగా తెర‌కెక్కిన చిత్ర‌మిది. మోహ‌న్ బాబు ఓ కీల‌క పాత్ర పోషించారు. ఓటీటీ వైపు చూడ్డానికి అంతా ఆలోచ‌నిస్తున్న త‌రుణంలో.. ఓటీటీ విడుద‌ల‌కు సిద్ధ‌ప‌డిన తొలి త‌మిళ హీరో, నిర్మాత సూర్య‌నే. జ్యోతిక న‌టించిన రెండు చిత్రాల్నీ ఆయ‌న ఓటీటీలోనే విడుద‌ల చేశారు. ఆ స‌మ‌యంలో.. పంపిణీదారుల నుంచి తీవ్ర‌మైన ఒత్తిడి ఎదుర్కొన్నారు. అయినా స‌రే, మ‌రోసారి.. ఓటీటీ విడుద‌ల‌కు సిద్ధ‌ప‌డ్డారు సూర్య‌,