బాలీవుడ్ సూప‌ర్ స్టార్ అమితాబ్ బ‌చ్చ‌న్ క‌రోనా బారీన ప‌డ్డారు. త‌న‌యుడు అభిషేక్ బ‌చ్చ‌న్‌కీ క‌రోనా పాజిటీవ్ గా నిర్దార‌ణ అయ్యింది. ఈ విష‌యాన్ని అమితాబ్ బ‌చ్చ‌న్ ట్విట్ట‌ర్ ద్వారా ధృవీక‌రించారు. ప్ర‌స్తుతం ముంబైలోని నానావ‌తీ ఆసుప‌త్రిలో బిగ్ బీ, అభిషేక్ చికిత్స పొందుతున్నారు. అమితాబ్ ఇంట్లో వాళ్లంద‌రికీ క‌రోనా ప‌రీక్ష‌లు చేయించారు. ఐశ్వ‌ర్య‌రాయ్‌, జ‌యాబ‌చ్చ‌న్‌ల‌కు క‌రోనా నెగిటీవ్ గా తేలింది. గ‌డిచిన ప‌ది రోజుల్లో తన‌ని క‌లిసిన వాళ్లంతా క‌రోనా ప‌రీక్ష‌లు చేయించుకోవాల్సిందిగా అమితాబ్ విజ్ఞ‌ప్తి చేశారు. అమితాబ్‌, అభిషేక్ క‌రోనా బారీన ప‌డ‌డంతో… బాలీవుడ్ షాక్‌కి గురైంది. వీరిద్ద‌రూ త్వ‌ర‌గా కోలుకోవాల‌ని ప్ర‌ధాని న‌రేంద్ర మోడీ ఆకాంక్షించారు. బిగ్ బీకి ప్ర‌త్యేకంగా ఫోన్ చేసి, ఆరోగ్య స‌మాచారాన్ని తెలుసుకున్నారు.