బాలీవుడ్ మెగాస్టార్ అమితాబచ్చన్ శంకర్ తెరకెక్కిస్తున్న రోబో సీక్వెల్ రోబో-2 లో చేస్తున్నారని వార్తలు కొద్దిరోజులుగా వస్తున్నాయి. ఇండియన్ సినిమాల్లోనే అత్యంత భారీ బడ్జెట్ తో రూపొందించబడుతున్న రోబో-2ని హాలీవుడ్ స్టాండార్డ్స్ తో తీస్తున్నారు. ఇప్పటికే ఈ సినిమాలో విలన్ గా ఆర్నాల్డ్ ని తీసుకున్నారని తెలిసిందే. అయితే ఈ సినిమాలో బిగ్ బి అమితాబ్ కూడా ఉన్నారని వార్తలు వచ్చాయి. రోబో-2 టీం దీన్ని ఖండించక పోయే సరికి ఈ వార్త నిజమే అనుకున్నారు. సూపర్ స్టార్ రజిని కాంత్ తో బాలీవుడ్ మెగాస్టార్ అమితాబచ్చన్ స్క్రీన్ షేర్ చేసుకుంటున్నాడని సంబరపడ్డారు సిని అభిమానులు.
కాని తెలుస్తున్న వార్తల ప్రకారం ఇది కేవలం రూమర్ మాత్రమే అని అంటున్నారు. ఒకవేళ బిగ్ బి ఉండి ఉండుంటే ఆ ప్రకటన అధికారికంగా వచ్చి ఉండేదని.. రోబో-2 లో అమితాబ్ ఉండటం కేవలం మీడియా కల్పితమని తెలుస్తుంది. భారీ బడ్జెట్ తో శంకర్ డైరెక్ట్ చేస్తున్న రోబో-2లో రజిని సరసన ఎమీ జాక్సన్ నటిస్తుండగా.. ఐశ్వర్య రాయ్ కూడా ఉంటుందని అంటున్నారు.
ప్రస్తుతం ప్రి ప్రొడక్షన్ వర్క్ జరుపుకుంటున్న ఈ సినిమా షూటింగ్ డిశెంబర్లో స్టార్ట్ అవ్వనుంది. శంకర్ ఈ సినిమాను హాలీవుడ్ సినిమా రేంజ్లో తెరకెక్కిస్తున్నాడన్న సంగతి తెలిసిందే. సౌత్ సినిమా స్టామినాను మరోసారి ప్రపంచదేశాలకు తెలియచెప్పే ప్రయత్నంగా శంకర్ రోబో-2 ని ఎక్కడ కాంప్రమైజ్ అవ్వకుండా చేస్తున్నాడు. మరి ఇంత భారీ తనంతో వస్తున్న రోబో-2 ఎన్ని సంచలనాలను తన ఖాతాలో వేసుకుంటుందో చూడాలి.
