దొర‌సానితో తెలుగు తెర‌కు ప‌రిచ‌య‌మ‌య్యాడు ఆనంద్ దేవ‌ర‌కొండ‌. విజ‌య్ దేవ‌ర‌కొండ త‌మ్ముడు కావ‌డం, రాజ‌శేఖ‌ర్ కుమార్తె హీరోయిన్ గా ప‌రిచ‌యం అవ్వ‌డంతో ఈ ప్రాజెక్టుపై ఆశ‌లు, అంచ‌నాలు పెరిగాయి. కానీ ఆ సినిమా పెద్ద‌గా ఆడ‌లేదు. అయితే.. ఆనంద్‌కి మంచి అవ‌కాశాలే వ‌స్తున్నాయి. ఆనంద్ చేతిలో రెండు సినిమాలున్నాయి. ఇప్పుడు మ‌రోటి చేరింది. తాజాగా భ‌వ్య క్రియేషన్స్‌లో ఓ సినిమా ఒప్పుకున్నాడు ఆనంద్‌. వినోద్ ద‌ర్శ‌క‌త్వం వ‌హిస్తున్నాడు. ఈచిత్రానికి `మిడ‌ల్ క్లాస్ మెలోడీస్‌` అనే పేరు ఖ‌రారు చేశారు. వ‌ర్ష బొల్ల‌మ్మ‌ని క‌థానాయిక‌గా ఫిక్స్ చేశారు. ఆనంద్ ప్ర‌సాద్ నిర్మాత‌. కంచ‌ర‌పాలెం చిత్రానికి చ‌క్క‌ని స్వ‌రాలు అందించిన స్వీకార్ ఆసగ్తీ సంగీతం అందిస్తున్నాడు. మిగిలిన వివ‌రాలు త్వ‌ర‌లో వెల్ల‌డి చేస్తారు.