చిరంజీవి 150వ సినిమా టైటిల్ క‌త్తిలాంటోడు కాద‌ని ఎప్పుడో తెలిసిపోయింది. ఆ త‌ర‌వాత ఖైదీ నెం.150 అనే పేరు తెర‌పైకొచ్చింది. అదీ కాద‌నుకొన్నారు. రెండ్రోజుల నుంచీ… నెపోలియ‌న్ అనే టైటిల్ బాగా హ‌ల్ చ‌ల్ చేస్తోంది. చిరు సినిమాకి ఈ టైటిల్ భ‌లేగా స‌రిపోతుంద‌ని చిత్ర‌బృందం కాస్త హుషారుగా నే ఉంది. అభిమానులు కూడా పోస్ట‌ర్లు డిజైన్ చేసి మ‌రీ వ‌దులుతున్నారు. ఈ సినిమాని ‘నెపోలియ‌న్’ టైటిల్ ఖాయ‌మ‌ని కూడా.. అంద‌రూ అనేసుకొంటున్నారు. ఈలోగా ఓ చిన్న సినిమా చిరుకి షాక్ ఇచ్చింది. ఆచార్య క్రియేష‌న్స్ అనే సంస్థ కొత్త‌వాళ్ల‌తో ఓ సినిమా రూపొందిస్తోంది. ఆనంద్ ర‌వి ద‌ర్శ‌కుడు. నారా రోహిత్ సినిమా ప్ర‌తినిధి కి క‌థ అందించింది ఈ ద‌ర్శ‌కుడే. ఈ చిత్రానికి నెపోలియ‌న్ అనే పేరు పెట్టారు. క్యాప్ష‌న్ కూడా ఉంది….ద మ్యాన్ హూ లాస్ట్ హిస్ షాడో అనేది ఉప‌శీర్షిక‌. అంటే.. చిరు సినిమా కోసం అట్టిపెట్టుకొన్న టైటిల్ ఇప్పుడు మ‌రొక‌రి ద‌గ్గ‌ర ఉంద‌న్న‌మాట‌. మ‌రి చ‌ర‌ణ్ ఏం చేస్తాడు?? టైటిల్‌ని కొనుక్కొంటాడా? లేదంటే ‘చిరు నెపోలియ‌న్‌’ అంటూ… టైటిల్‌కి యాడింగులు ఇచ్చి వ‌దిలిపెడ‌తారా?? అనే ఆస‌క్తి నెల‌కొంది. ఒక‌వేళ నెపోలియ‌న్ టైటిల్ పై వివాదం ఉంటే మాత్రం ‘లెనిన్‌’ అనే మ‌రో టైటిల్ పై కూడా చిరు ఆస‌క్తి చూపిస్తున్నార‌ని తెలుస్తోంది. అదేదో త్వ‌ర‌గా రిజిస్ట‌ర్ చేసుకొంటే స‌రిపోతుందా???