అనంత శ్రీ‌రామ్‌… ఈ క‌ళ్ల‌జోడ‌బ్బాయి తెలుగు సినీ గీత ర‌చ‌యిత‌ల్లో త‌న‌కంటూ ఓ ప్ర‌త్యేక స్థానం సంపాదించుకొన్నాడు. ప్రేమ గీతాలు, విర‌హ గీతాల‌కు అనంత శ్రీ‌రామ్ పెట్టింది పేరు. దాదాపు 500 పైచిలుకు పాట‌లు రాసేశారీయ‌న‌. ఇప్పుడీయ‌న త‌న కెరీర్‌లో తొలిసారి సంగీత ద‌ర్శ‌కుడిగా మార‌బోతున్నాడు. సాయి బాబా మ‌హిమ‌ల నేప‌థ్యంలో ‘సాయి నీ లీల‌లు’ అనే చిత్రం తెర‌కెక్కుతోంది. విజ‌య్ చంద‌ర్ సాయి బాబాగా క‌నిపించ‌బోతున్నాడు. ఈ చిత్రానికి అనంత శ్రీ‌రామ్ సంగీతం అందించ‌నున్నారు. ‘ఆది అనంత్‌’ అనే పేరుతో అనంత శ్రీ‌రామ్ సంగీత ద‌ర్శ‌కుడిగా అవ‌తారం ఎత్త‌బోతున్నాడు. ఈ చిత్రంలోని గీతాలు కూడా ఆయ‌నే రాశాడ‌ట‌. మొత్తానికి ఓ యువ క‌లం.. ఇప్పుడు సంగీత ప్ర‌భంజ‌నం సృష్టించ‌డానికి రెడీ అయ్యింది. మ‌రి రిజ‌ల్ట్ ఎలా ఉంటుందో చూడాలి.