ఫ్యావరిజంలో మెగా ఫ్యాన్స్ ఉన్నంత ఎలర్ట్ గా ఇంక ఎవరు ఉండరు అనుకునేలా ఉంటాయి వారు చేసే పనులు. మెగాస్టార్ చిరంజీవి సినిమా కోసం ఈగర్ గా వెయిట్ చేస్తున్న వీరు మెగాపవర్ స్టార్ రాం చరణ్ బ్రూస్ లీ తర్వాత నాలుగు నెలలు గ్యాప్ తీసుకుని చేసే తని ఒరువన్ రీమేక్ ధృవ గురించి ఎలాంటి అప్డేట్ వస్తుందా అని ఎదురుచూస్తుంటారు. అయితే ఈమధ్య కాలంలో యాంకర్ గా ఫుల్ హవా కొనసాగించి సినిమాల్లోకి వచ్చిన అనసూయ చరణ్ సినిమాలో చేస్తుందని మీడియా ఒకటే హడావిడి చేసింది. చెర్రి సినిమాలో అనసూయ ఐటం సాంగ్ కన్ఫాం అన్నట్టుగా వార్తలు రాసేశారు.
ఈ మాటలు విన్న అనసూయ తూచ్ నన్నసలు ఆ సినిమాకు సమబంధించి ఎవరు కలువలేదు. అసలు నాకు ఐటం సాంగ్ చేసే ఉద్దేశమే లేదు అంటూ మళ్లోసారి మెగా ఫ్యాన్స్ ఆగ్రహానికి గురయ్యేలా మాట్లాడింది. అయితే కొంతమంది ఫ్యాన్స్ అనసూయ మాటలకు హర్ట్ అయినా మరి కొంతమంది మాత్రం ఆమె కాదన్నందుకు హ్యాపీగా ఉన్నారు. అదేంటి స్టార్ హీరో సినిమాను ఓ యాంకర్ కం క్యారక్టర్ ఆర్టిస్ట్ కాదంటే హ్యాపీగా ఎలా ఫీల్ అవుతారు అంటే.. అనసూయ సినిమా చేస్తే హిట్ అవుద్దేమో.. కాని అనసూయ కాదంటే మాత్రం ఆ సినిమా ఇండస్ట్రీ హిట్ అవుద్ది అంటున్నారు.
అదెలాగా అంటే అత్తారింటికి దారేది సినిమాలో కూడా పవర్ స్టార్ పవన్ కళ్యాన్ తో అనసూయ ఐటం సాంగ్ చేస్తుంది అని ఒకటే హడావిడి చేసి చివరకు ఆ సినిమాలో అనసూయని లేకుండానే చేశారు. ఇక రీసెంట్ గా అనసూయ చేసిన సోగ్గాడే చిన్ని నాయనా, క్షణం సినిమాలు ప్రేక్షకాదరణ పొందినవే.. ఇప్పుడు చరణ్ ధృవలో కూడా అనసూయ ఐటం సాంగ్ అంటూ న్యూస్ హల్ చల్ చేస్తుంటే ఆమె మాత్రం అలాంటిదేమీ లేదు అంటూ చెప్పుకొచ్చింది.. ఏది ఎలా ఉన్నా మెగా ఫ్యాన్స్ మాత్రం ఆమె కాదంటేనే సినిమా సూపర్ హిట్ అవుద్ది అనేసుకుంటున్నారు.
