ఈరోజు అన‌సూయ ఓ కారు ప్ర‌మాదంలో చిక్కుకొంది. స్వ‌ల్ప గాయాల‌య్యాయి. అనంతపురం జిల్లా పెనుకొండ మండలం గుట్టూరు సమీపంలో ఆమె ప్రయాణిస్తున్న వాహనాన్ని మరో కారు ఢీకొట్టింది. ఓ ప్రైవేటు కార్యక్రమంలో పాల్గొని బెంగళూరు నుంచి తిరుగు ప్రయాణంలో హైదరాబాద్‌ వస్తుండగా ఈ ఘటన చోటుచేసుకుంది. ఈ ప్రమాదంలో అనసూయకు చిన్నపాటి గాయాలైనట్లు సమాచారం. అనంతరం ఆమె మరో కారులో అనంతపురం చేరుకున్నారు. పూర్తి వివరాలు తెలియాల్సి ఉంది. జ‌బ‌ర్‌ద‌స్త్ షోతో పాపుల‌ర్ అయ్యింది అన‌సూయ‌. టీవీ యాంక‌ర్‌గా మంచి పేరు తెచ్చుకొంది. ప‌లు చిత్రాల్లోనూ న‌టించింది.