అసలు విషయంతో పాటు బయటకు వచ్చే కొసరు విషయాలపై అందరి కళ్లను ఆకర్షిస్తాయి. ఆయుష్మాన్ ఖురానా నటించిన హిందీ సినిమా ‘అంధాధున్’ తెలుగు సినిమా జనాలను అదే విధంగా ఆకర్షిస్తుంది. గత నెలలో సురేశ్‌బాబు మద్యం మత్తులో కారు నడిపి, ముగ్గురు గాయాల పాలవ్వడానికి కారణమని వార్తలు వచ్చాయి. అసలు ప్రమాదం జరిగిన రోజు ఏమైందో ఆంగ్ల పత్రికకు సురేశ్‌బాబు వివరించారు. తాను సాధారణంగా డ్రైవర్ లేకుండా బయటకు వెళ్లననీ, అయితే… తనవాళ్లు ‘అంధాధున్’ బావుందని చెప్పడంతో తెలుగు రీమేక్ రైట్స్ కొందామని ఉద్దేశంతో ఒక్కడినే కారులో సినిమాకు బయలుదేరాననీ… ఆయన చెప్పుకొచ్చారు. సురేశ్‌బాబు రీమేక్ రైట్స్ కొందామని అనుకున్నారంటే… సినిమాలో సత్తా తప్పకుండా వుంటుందని సినిమావాళ్ల కన్ను ‘అంధాధున్’పై పడింది. రీమేక్ రైట్స్ కొనాలనే ఉద్దేశంతో సినిమా చూశానని చెప్పిన సురేశ్ బాబు.. కొన్నారో? లేదో? చెప్పలేదు. అక్టోబర్ 5న విడుదలైన ఈ సినిమా హైదరాబాద్ మ‌ల్టీప్లెక్స్‌ల‌లో ఇంకా ఆడుతుంది. రెండు మూడు షోలు పడుతున్నాయి. టబు, రాధికా ఆప్టే ఈ సినిమాలో మెయిన్ లీడ్స్ చేశారు.