అనిల్ రావిపూడికి జంథ్యాల అంటే చాలా ఇష్టం. ఈ విష‌యాన్ని అనిల్ రావిపూడి చాలా ఇంట‌ర్వ్యూల్లో చెప్పాడు కూడా. అనిల్ రావిపూడి పాత్ర‌ల చిత్ర‌ణ‌లో కూడా జంథ్యాల స్టైల్ క‌నిపిస్తుంటుంది. మ‌రోసారి అనిల్ రావిపూడి జంథ్యాల‌పై త‌న ఇష్టాన్ని చూపించుకున్నారు. `బి ది రియ‌ల్ మేన్‌` ఛాలెంజ్ ద్వారా.

`బి ది రియ‌ల్ మేన్‌` పేరిట ఓ ఛాలెంజ్ న‌డుస్తున్న సంగ‌తి తెలిసిందే. ఇంటి ప‌నుల్లో శ్రీ‌మతికి, అమ్మానాన్న‌ల‌కు సాయం చేస్తూ సెల‌బ్రెటీలు ఓ వీడియో పోస్ట్ చేస్తున్నారు. అనిల్ రావిపూడి కూడా అలాంటి వీడియోనే పోస్ట్ చేశారు. కాక‌పోతే ఈయ‌న కాస్త వెరైటీ కాదు. ఈ వీడియోని జంథ్యాల సినిమాలోని సుత్తి వీర‌భ‌ద్ర‌రావు – బ్ర‌హ్మానందంల కామెడీ ట్రాక్ తో మొద‌లెట్టారు. సుత్తి వీర‌భ‌ద్ర‌రావు చెప్పే సుదీర్ఘ‌మైన డైలాగ్ బ్యాక్ గ్రౌండ్ లో వినిపిస్తుంటే, మ‌రోవైపు అనిల్ రావిపూడి చ‌క‌చ‌క ఇంటి ప‌నుల్ని చ‌క్క‌బెట్టేశాడు. త‌న హీరోలు క‌ల్యాణ్ రామ్‌, సాయిధ‌ర‌మ్ తేజ్‌ల‌కు ఈ ఛాలెంజ్‌ని పాస్ చేశారాయ‌న‌. ఈమ‌ధ్య కాలంలో `బి ది రియ‌ల్ మేన్‌` ఛాలెంజ్‌ల‌లో కాస్త భిన్నంగా సాగిన‌ వీడియో ఇదే అని చెప్పొచ్చు.

Here is my #BeTheRealMan challenge video @VenkyMama garu.

ఇంట్లో వాళ్ళకి కొంత ఫ్రస్ట్రేషన్ రిలీఫ్. మనకి కొంత ఫన్.

I nominate my PATAAS @NandamuriKalyan, my SUPREME @IamSaiDharamTej and my RAJA THE GREAT @RaviTeja_Offl to take forward the challenge ?? pic.twitter.com/jXmNoQscbD

— Anil Ravipudi (@AnilRavipudi) April 24, 2020