2025 సంక్రాంతి రేసులో వెంక‌టేష్ సినిమా కూడా ఉంది. అనిల్ రావిపూడితో వెంకీ ఓ సినిమా చేస్తున్నారు. అది వ‌చ్చే సంక్రాంతికి విడుద‌ల కానుంది. ఈ సినిమాకి ‘సంక్రాంతికి వ‌స్తున్నాం’ అనే టైటిల్ ఫిక్స్ చేసిన‌ట్టు తెలుస్తోంది. ఈ సంక్రాంతి సినిమా షూటింగ్ ఈ ఉగాది ప‌ర్వ‌దినాన ప్రారంభం కానుంది. ఉగాది రోజున లాంఛ‌నంగా ఈ చిత్రానికి క్లాప్ కొడ‌తారు. మేలో రెగ్యుల‌ర్ షూటింగ్ మొద‌లు కానుంది. ఈ చిత్రంలో ఇద్ద‌రు క‌థానాయిక‌ల‌కు చోటుంది. ఓ నాయిక‌గా… మీనాక్షి చౌద‌రిని ఎంచుకొన్న‌ట్టు తెలుస్తోంది. మ‌రో పాత్ర‌లోనూ పేరున్న హీరోయినే క‌నిపించ‌బోతోంది. వెంకీ – అనిల్ రావిపూడిది హిట్ కాంబినేష‌న్‌. వీరిద్ద‌రూ చేసిన ఎఫ్ 2, ఎఫ్ 3 మంచి విజ‌యాల్ని అందుకొన్నాయి. ఇందులో ‘ఎఫ్ 2’ సంక్రాంతికే వ‌చ్చింది. సొంతూరు, అక్క‌డి అనుబంధాలు, స్నేహాలూ… వీటి మ‌ధ్య న‌డిచే క‌థ ఇది. సంక్రాంతికి సీజ‌న్‌లో కుటుంబ క‌థ‌లు, వినోదాత్మ‌క చిత్రాల‌కు మంచి గిరాకీ ఉంటుంది. దాన్ని దృష్టిలో ఉంచుకొనే… ఈ చిత్రాన్ని సంక్రాంతి బ‌రిలో దించుతున్నారు. ఇందులో కొంత‌మంది యంగ్ హీరోలు అతిథి పాత్ర‌ల్లో క‌నిపించ‌నున్నార‌ని స‌మాచారం. పూర్తి వివ‌రాలు త్వ‌ర‌లో వెల్ల‌డ‌వుతాయి.