రణ్‌బీర్‌ కపూర్‌ హీరోగా సందీప్ వంగా దర్శకత్వంలో తెరకెక్కిన చిత్రం ‘యానిమల్’. ఈ చిత్రం డిసెంబర్‌1న ప్రేక్షకుల ముందుకు రానుంది. ఇప్పటికే విడుదల టీజర్ పాటలకు మంచి రెస్పాన్స్ వచ్చింది. అయితే ఈ చిత్రం నిడివి కాస్త ఆశ్చర్యపరుస్తోంది. ఈ చిత్రం నిడివి 3.30గంటలని తెలుస్తోంది. నిజానికి ఇంత నిడివి వున్న సినిమాని రెండు పార్టులు గా చేస్తారు. అయితే సందీప్ ఒకే పార్ట్ గా విడుదల చేయాలని పట్టుదలతో వున్నారు. అలాగే నిడివి విషయంలో చాలా నమ్మకంగా వున్నారు.
అయితే ఇప్పుడు ఈ చిత్రానికి సంబధించిన మరో ఆసక్తికరమైన విషయం తెలుస్తోంది. యానిమల్ కి సీక్వెల్ వుంటుందని సమాచారం. యానిమల్ చివర్లో సీక్వెల్ కి సంబధించిన లీడ్ ని ఇస్తారు. యానిమల్ లో కథ పరంగా ఒక ముగింపు ఇచ్చినప్పటికీ ఇందులో చాలా పాత్రల ఆర్క్ కొనసాగింపు కోరుకుంటాయని, దానికి సంబధించిన బ్యాక్ స్టోరీలు సీక్వెల్ లో ఆసక్తికరంగా చూపిస్తారని వినిపిస్తోంది. ప్రభాస్ తో చేయబోయే స్పిరిట్ తర్వాత యానిమల్ సీక్వెల్ సెట్స్ పైకి తీసుకెళ్ళే ప్లాన్ వుందని సమాచారం.
