ప్రస్తుతం పవర్ స్టార్ పవన్ కళ్యాణ్ సర్దార్ గబ్బర్ సింగ్ షూట్ లో బిజీగా ఉన్న సంగతి తెలిసిందే. అయితే అధికారిక ప్రకటన ఏమి రాలేదు కాని ఈ సినిమా తర్వాత పవర్ స్టార్ తీసేది ఖుషి సీక్వల్ అని అటు కోలీవుడ్ ఇటు టాలీవుడ్ హడావిడి చేస్తుంది. ఎస్.జె సూర్య దర్శకత్వంలో మరోసారి క్రేజీ కాంబినేషన్ రిపీట్ అవ్వబోతుంది. ఈ సినిమాకు సంగీత దర్శకుడిగా తమిళ నాట సంచలనం సృష్టిస్తున్న యువ సంగీత కెరటం అనిరుధ్ ని సెలెక్ట్ చేశారని సమాచారం. ‘వై దిస్ కొలెవేరి ది’ అంటూ యువతరాన్ని ఉర్రూతలూగించిన అనిరుధ్ ఆ ఒక్క సాంగ్ తో సూపర్ క్రేజ్ సంపాధించాడు.
ఇప్పటికే రాం చరణ్ బ్రూస్ లీ సినిమాకు ముందు సంగీత దర్శకుడిగా అనిరుధ్ ను అనుకున్నా అది సాధ్యపడలేదు. ఇక త్రివిక్రమ్ అ..ఆ సినిమాకు అనిరుధ్ అదరగొట్టేస్తాదంటూ హడావిడి చేసి చివరకు ఆ సినిమా నుండి కూడా బయటకు వచ్చేశాడు. ఇప్పుడు మరో క్రేజీ మూవీ ఆఫర్ అనిరుధ్ చెంత చేరిందని తెలుస్తుంది. అదే ఖుషి సీక్వల్ గా వస్తున్న మూవీ.
అయితే సినిమా పూర్తయ్యి విడుదలయ్యేదాకా అనిరుధ్ సినిమాకు పనిచేస్తాడు అన్న దాని మీద క్లారిటీ ఇవ్వలేం. ఎందుకంటే ముందు కలిగిన రెండు అనుభవాలు ఈ డౌట్ కలిగేలా చేస్తున్నాయి. తమిళంలో సంచలన విజయాలు సాధిస్తున్న సినిమాలకు సంగీతాన్ని అందిస్తూ ట్రెండ్ క్రియేట్ చేస్తున్నాడు అనిరుధ్. మరి ఈ సారైనా తెలుగు సినిమాకు పనిచేస్తాడా లేదా అన్నది కొద్దిరోజుల్లో తెలుస్తుంది.
