సీతమ్మ వాకిట్లో సిరిమల్లె చెట్టుతో తెలుగు ప్రేక్షకుల హృదయాలను దోచుకున్న అంజలి స్టార్ హీరోయిన్ రేంజ్ కాకపోయినా సరే మంచి ఐడెంటిటీని సంపాదించింది. ఇక వరుసెంట క్రేజీ ప్రాజెక్ట్స్ చేస్తున్న అమ్మడు ఛాన్స్ వస్తే స్పెషల్ సాంగ్ కైనా ఓకే అనేస్తుంది. అలానే స్టైలిష్ స్టార్ అల్లు అర్జున్ సరైనోడు సినిమాలో బ్లాక్ బస్టర్ సాంగ్ లో బన్నితో కలిసి స్టెప్పులేసింది. అయితే కెరియర్ పరంగా అంత జోష్ లో లేని అంజలి ఈ బ్లాక్ బస్టర్ సాంగ్ తో హిట్ కొట్టేయడం ఖాయం అనేస్తున్నాయి ఫిల్మ్ నగర్ వర్గాలు.
తెలుగమ్మాయి అయినా కోలీవుడ్ లో మొదట ఎంట్రీ ఇచ్చి టాలీవుడ్ కి లేట్ గా వచ్చిన అంజలి అనతి కాలంలోనే తనంటే పడి చచ్చే ఫ్యాన్స్ ఏర్పాటుచేసుకుంది. అంతేకాదు స్పెషల్ సాంగ్స్ లో కూడా తానేంటో ప్రూవ్ చేసుకునేందుకు రెడీ అయ్యింది. శంకరాభరణంలో గంటా సాంగ్ సూపర్ హిట్ అయితే సినిమా ఫ్లాప్ అయ్యే సరికి అంజలి గురించి అంతగా బయటకు రాలేదు. కాని ఈ సరైనోడులో అంజలి చేసిన బ్లాక్ బస్టర్ సాంగ్ నిజంగానే ఇకనుండి అంజలి కెరియర్ ను బ్లాక్ బస్టర్ చేసేస్తుందని నమ్ముతుంది. ఈ నెల 22న రిలీజ్ అవబోతున్న సరైనోడు సినిమా బోయపాటి శ్రీను డైరెక్ట్ చేయగా గీతా ఆర్ట్స్ బ్యానర్ లో అల్లు అరవింద్ నిర్మించారు. థమన్ మ్యూజిక్ అందించిన ఈ సినిమాలో రకుల్ ప్రీత్ సింగ్, కేథరిన్ హీరోయిన్స్ గా నటించారు.
