సీతమ్మ వాకిట్లో సిరిమల్లె చెట్టు సినిమాతో తెలుగు ప్రేక్షకుల్లో తన కంటూ ఒక ప్రత్యేకతను ఏర్పడేలా చేసుకున్న భామ అంజలి ఇప్పుడు వరుసెంట క్రేజీ ప్రాజెక్ట్స్ లో నటిస్తుంది. ఈరోజు రిలీజ్ అయిన డిక్టేటర్ సినిమాలో బాలయ్య సరసన అందాలు కురిపించిన అంజలి నందమూరి అభిమానులను ఆకట్టుకుంది. ఇక పిల్ల జమిందార్ డైరక్టర్ అశోక్ డైరక్షన్లో చిత్రాంగద సినిమా కూడా చేస్తుంది సీతమ్మ.

అయితే మొన్నటిదాకా సినిమాకు 50 లక్షలు డిమాండ్ చేసిన అంజలి ఇప్పుడు తనకు కూడా 70 నుండి కోటి రూపాయలు ఇస్తేనే అంటూ దర్శక నిర్మాతలను భయపెడుతుందట. అంతేకాదు ఇకనుండి సినిమాల్లో కాస్త స్కిన్ షోతో కూడా అదరగోట్టేందుకు సిద్ధమైందట. ప్రస్తుతం రిలీజ్ అయిన డిక్టేటర్ సక్సెస్ ను ఎంజాయ్ చేస్తున్నఈ సుందరి త్వరలో తాను సోలోగా చేసిన చిత్రాంగదతో కూడా ప్రేక్షకులను మెప్పించేందుకు రెడీ అవుతుంది.

ప్రస్తుతం పోస్ట్ ప్రొడక్షన్ వర్క్ జరుపుకుంటున్న చిత్రాంగద సినిమా మీద చాలా ఆశలు పెట్టుకుంది అంజలి. ఒకవేళ చిత్రాంగద కూడా హిట్ అయితే అమ్మడు అడిగినట్టు కోటి ఇవ్వడానికి కూడా వెనుకాడరు దర్శక నిర్మాతలు.