స్టార్ హీరో సినిమా అంటే మస్త్ జబర్దస్త్ ఐటం సాంగ్ ఉండాల్సిందే. ఓ వైపు ఐటం గాళ్ సోయగాలు రంజింపచేస్తుంటే మరోవైపు తమ అభిమాన హీరో అదిరిపోయే స్టెప్స్ తో అలరించేస్తాడు. అందుకే సినిమా ఏదైనా ఐటం సాంగ్ కచ్చితం ఇప్పుడు అదే ఫార్ములాను యంగ్ టైగర్ కూడా ఫాలోఅవుతున్నాడు. ప్రస్తుతం తను చేస్తున్న జనతా గ్యారేజ్ సినిమాలో ఓ ఐటం సాంగ్ ను పెట్టే ఆలోచనలో ఉన్నారట దర్శక నిర్మాతలు.. దాని తారక్ కూడా గ్రీన్ సిగ్నల్ ఇచ్చేశాడట.
అయితే ఐటం సాంగ్ అంటే ఇప్పుడు హీరోయిన్స్ కూడా చేసేస్తున్నారు కాని ఐటం గా అదరగొట్టాలంటే కొంతమంది వల్లే అవుతుంది. ఇప్పుడు అలాంటి ఫాంలోనే ఉంది అంజలి.. శంకరాభరణంలో స్పెషల్ సాంగ్ చేసి అలరించిన చిన్నది ఇప్పుడు సరైనోడులో బ్లాక్ బస్టర్ అంటూ ఓ రేంజ్ క్రేజ్ సంపాధించేస్తుంది. సాంగ్ టీజర్ లోనే అదరగొడుతున్న అంజలి సినిమాలో ఇంకెన్ని హొయలు పోయిందో అని ఫ్యాన్స్ ఉత్సాహంగా ఉన్నారు. అందుకే తారక్ కూడా అంజలితో ఆడిపాడేందుకు సిద్ధమయ్యాడట. అయితే దర్శక నిర్మాతలు మాత్రం సరైనోడు రిజల్ట్ ను బట్టే అంజలిని ఈ స్పెషల్ సాంగ్ కోసం తీసుకునేది లేనిది డిసైడ్ చేస్తారట. సరైనోడులో అంజలి హిట్ అయితే జనతా గ్యారేజ్ లో ఛాన్స్ పట్టేసినట్టే..!
