ధృవ‌, సైరా.. ఇలా మెగా కుటుంబానికి బ్యాక్ టూ బ్యాక్ హిట్స్ ఇచ్చాడు సురేంద‌ర్ రెడ్డి. అల్లు అర్జున్‌కి ఇది వ‌ర‌కే రేసుగుర్రంలాంటి బ్లాక్ బ్ల‌స్ట‌ర్ అందించాడు. అలా మెగా ఫ్యాన్స్‌కి ఎప్పుడో ద‌గ్గ‌రైపోయాడు. ఇప్పుడు మ‌రోసారి సూరిని మెగా ఆఫ‌ర్ వ‌రించ‌బోతోంద‌ని టాక్‌. `ధృవ‌` స‌మ‌యంలోనే చిరంజీవితో సినిమా చేసే అవ‌కాశం ద‌క్కించుకున్నాడు. ఆ స‌మ‌యంలో `సైరా` ప్ర‌తిపాద‌నే లేదు. అప్పుడే చిరు కోసం ఓ స్టైలీష్ యాక్ష‌న్ ఎంట‌ర్‌టైన‌ర్ క‌థ రాసుకున్నాడు. ఆ క‌థ చ‌ర్చ‌ల్లో ఉండ‌గానే `సైరా` ప్రాజెక్టు సూరి చేతికి వ‌చ్చింది. సూరి చెప్పిన యాక్ష‌న్ ఎంట‌ర్‌టైన‌ర్ క‌థ ఇప్పుడు మ‌రోసారి లైన్‌లో పెట్టాల‌ని సురేంద‌ర్ రెడ్డి భావిస్తున్నాడ‌ట‌. అయితే చిరంజీవి – సురేంద‌ర్ రెడ్డి కాంబో.. ప‌ట్టాలెక్క‌డానికి మాత్రం చాలా టైమ్ ఉంది. కొర‌టాల‌, త్రివిక్ర‌మ్‌ల‌తో సినిమాలు పూర్త‌య్యాక‌… సూరితో సినిమా ఉండొచ్చు. లేదంటే ఆ క‌థ‌ని అటూ ఇటూ మార్చి రామ్‌చ‌ర‌ణ్‌కి సెట్ చేయొచ్చు. ఏదైతేనేం.. మెగా కాంపౌండ్‌లో సురేంద‌ర్ రెడ్డి మ‌రో సినిమా చేయ‌డం ఖాయం.