`ఆచార్య‌` నుంచి త్రిష వెళ్లిపోవ‌డం ఇప్ప‌టికీ హాట్ టాపిక్కే. మ‌ణిర‌త్నం సినిమా కోస‌మే ఈ ప్రాజెక్టు నుంచి త్రిష త‌ప్పుకోవాల్సివ‌చ్చిందంటూ.. చిరంజీవి స్వ‌యంగా ఓ ఇంట‌ర్వ్యూలో క్లారిఫికేష‌న్ ఇచ్చేశారు. నిజానికి చిరు స్టేట్‌మెంట్ తో త్రిష వెళ్లిపోవ‌డం వెనుక ఉన్న ఊహాగానాల‌కు తెర ప‌డాలి. కానీ విచిత్రంగా.. త్రిష ఈ సినిమా వ‌దులుకోవ‌డం వెనుక ఓ పెద్ద కార‌ణ‌మే ఉంద‌న్న విష‌యం తాజాగా బ‌య‌ట‌కు వ‌చ్చింది. చిత్ర‌బృందంలో ఓ కీల‌క‌మైన స‌భ్యుడు త్రిష‌ని బాగా ఇబ్బంది పెట్టార‌ని, దాన్ని ఎదుర్కోలేక త్రిష‌.. ఈ సినిమాకి గుడ్ బై చెప్పింద‌న్న గుస‌గుస‌లు ఇండ్ర‌స్ట్రీలో వినిపిస్తున్నాయి.

చిరంజీవి సినిమా, పైగా కొర‌టాల శివ ద‌ర్శ‌కుడు, ఇంత‌కు మించిన క్రేజీ ప్రాజెక్టు త్రిష‌కు దొర‌క‌దు. అయినా స‌రే.. ఈ సినిమాని వ‌ద్ద‌నుకుంది త్రిష‌. నిజానికి చివ‌రి క్ష‌ణాల వ‌ర‌కూ ఎలాగోలా ఈ టీమ్ తో ప్ర‌యాణం చేయాల‌ని అనుకుంద‌ని, కానీ… ఇబ్బందులు మ‌రీ ఎక్కువ‌వ్వ‌డంతో త‌ప్పుకోవాల్సివ‌చ్చింద‌ని, అయితే… తెర వెనుక త్రిష ఎదుర్కున్న సంగ‌తి చిరంజీవికి ఇప్ప‌టి వ‌ర‌కూ తెలీద‌న్న వార్త‌లు వినిపిస్తున్నాయి. ఎగ్రిమెంట్లు అన్నీ అయిపోయాక‌, అడ్వాన్సులు కూడా తీసుకున్నాక‌, ఓ క‌థానాయిక సినిమా నుంచి త‌ప్పుకోవ‌డం అరుదైన విష‌యం. అందులోనూ ఓ పెద్ద సినిమా నుంచి. కానీ త్రిష‌కు మ‌రో మార్గం లేక‌పోయింది. మ‌ణిర‌త్నం సినిమా కోస‌మే ఆచార్య‌లో చేయ‌డం లేద‌న్న‌ది త్రిష ఎంచుకున్న సాకు. మ‌రి నిజ‌మేమి, త్రిష‌ని ఇబ్బంది పెట్టింది ఎవ‌రన్న విష‌యాలు త్రిష‌నే చెప్పాలి.