మెగాస్టార్ చిరంజీవి వరుస సినిమాలతో బిజీగా వున్నారు. ఆచార్య విడుదలకు సిద్ధమౌతుంది. గాడ్ ఫాదర్, భోళా శంకర్ సెట్స్ పై వున్నాయి. బాబీతో సినిమా ప్రీ ప్రొడక్షన్ వర్క్ జరుగుతుంది. వెంకీ కుడుముల దర్శకత్వంలో రాబోతున్న సినిమా స్క్రిప్ట్ కూడా లాక్ అయ్యింది. ఈ సినిమాకి సంబధించిన లేటెస్ట్ అప్డేట్ ఏమిటంటే.. ఇది మెసేజ్ ఓరియంటెడ్ సబ్జెక్ట్. సొసైటీలోని ఓ ఇష్యూని చాలా కమర్షియల్ గా చూపించబోతున్నారని తెలిసింది.
మరో అప్డేట్ ఏమిటంటే.. ఇది మల్టీస్టారర్. ఇందులో చిరుతో పాటు మరో స్టార్ హీరో కూడా వుండే అవకాశం వుంది. ప్రస్తుతం కొందరి హీరోల పేర్లు పరిశీలిస్తున్నారు. ఇంకా ఎవరి పేరు ఫైనల్ కాలేదు. ఇప్పటికే గాడ్ ఫాదర్ లో సల్మాన్ తో స్క్రీన్ పంచుకుంటున్నారు చిరు. వెంకీ సినిమాకి కూడా అంతే స్థాయిలో స్టార్ డమ్ వున్న హీరోని తీసుకురావడానికి చిత్ర యూనిట్ ప్లాన్ చేస్తుంది. మరికొద్ది రోజుల్లోనే సెకెండ్ హీరోని కూడా ఫైనల్ చేస్తారని తెలుస్తుంది.
