చెన్నై భామల సోయగాలకు తెలుగు ప్రేక్షకులు ఎలా మాయలో పడతారో.. తెలుగమ్మాయిల వల్లో కూడా తమిళ తంబీలు అలానే పడతారు. తెలుగమ్మాయిలైన శ్రీదివ్య, అంజలి, బింధు మాధవి లాంటి వారు ఇక్కడనుండి అక్కడికి వెళ్లి సక్సెస్ అయిన వారే. అయితే అంజలి మాత్రం ముందు అక్కడ సక్సెస్ అయ్యి ఇక్కడకు వచ్చింది. మిగతా వారైతే టాలీవుడ్లో దాదాపుకెరియర్ అయిపోయింది అనుకుంటుండగా కోలీవుడ్లో మంచి ఫాంలోకి వచ్చారు.
ప్రస్తుతం ఆ కోవలోనే మరో భామ చేరింది. అంతకుముందు ఆ తర్వాత సినిమాతో హీరోయిన్ గా ఎంట్రీ ఇచ్చింది ఈషా.. తనదైన సహజ నటంతో ఆకట్టుకున్న ఈ అమ్మడికి మంచి కెరియర్ ఉంటుందనుకుంటే రెండు సినిమాలకే డీలా పడ్డది. అందుకే చిన్నగా చెన్నై వెళ్లి అక్కడ తన సత్తా చాటుతుంది. తమిళ దర్శకుడు మస్కన్ డైరెక్ట్ చేస్తున్న ఓ సినిమాలో హీరోయిన్ గా ఓకే అయిన ఈషా.. ఆ సినిమా కంప్లీట్ అవ్వకముందే మరో రెండు సినిమాల్లో ఛాన్స్ కొట్టేసిందట ఈ నాయకి.
చూస్తుంటే అమ్మడికి అక్కడ బాగానే వర్క్ అవుట్ అయ్యేట్టు ఉంది. వెళ్లడం వెళ్లడమే మూడు సినిమాలు చేస్తున్న ఈషా వాటిలో ఒక్కటి సూపర్ హిట్టైనా మంచి కెరియర్ ని ఏర్పాటుచేసుకున్నట్టే.. అసలే కోలీవుడ్ ఆడియెన్స్ నటనా ప్రాధాన్యత ఉన్న హీరోయిన్స్ ని ఎక్కువ ఇష్టపడతారు. మరి తెలుగమ్మాయి ఈషా కూడా మిగతావారిలానే అక్కడ మంచి కెరియర్ ని ఏర్పాటు చేసుకోవాలని కోరుకుంటున్నారు ప్రేక్షకులు.
