రేపు అక్కినేని నాగేశ్వ‌ర‌రావు శ‌త‌ జ‌యంతి. ఈ వేడుక గుర్తుండిపోయేలా చేయాల‌ని నాగార్జున భావిస్తున్నారు. అందుకే అక్కినేని పంచ‌లోహ విగ్ర‌హాన్ని అన్న‌పూర్ణ స్టూడియోస్ ప్రాంగ‌ణంలో ప్ర‌తిష్టించ‌నున్నారు. రేపు జ‌రిగే ఈ కార్య‌క్ర‌మానికి ప‌లువులు రాజ‌కీయ‌, సినీ ప్ర‌ముఖులు హాజ‌రు కానున్నారు. చిరంజీవి, వెంక‌టేష్‌లాంటి ప్ర‌ముఖ హీరోల‌తో పాటుగా కేసీఆర్‌, వెంక‌య్య నాయుడు లాంటి రాజ‌కీయ నాయ‌కులూ ఈ కార్య‌క్ర‌మానికి హాజ‌రు కానున్నార‌ని తెలుస్తోంది. క‌మ‌ల్‌హాస‌న్‌కి సైతం ఆహ్వానం అందింద‌ని తెలుస్తోంది. ఆయ‌న వ‌స్తారా, రారా అనేది చూడాలి. ఇది శ‌త జ‌యంతి సంవ‌త్స‌రం కాబ‌ట్టి… యేడాది పొడ‌వునా ఏదో ఓ కార్య‌క్ర‌మం చేయాల‌ని అక్కినేని కుటుంబం భావిస్తోంది. అక్కినేని వాడిన వ‌స్తువుల‌తో ఓ మ్యూజియం, స్మార‌క స్థూపం నిర్మించాల‌న్న ఆలోచ‌న ఉంది. అతి త్వ‌ర‌లోనే కార్య‌రూపం దాల్చే అవ‌కాశం ఉంది. ఏఎన్నార్ ఆల్ టైమ్ సూప‌ర్ హిట్ చిత్రాలు వ‌రుస‌గా అన్న‌పూర్ణ స్టూడియోస్‌లోనే
ప్ర‌దర్శించ‌డానికి ఏర్పాట్లు జ‌రుగుతున్నాయి.